ދެ ރަށެއްގައި ޓިވެޓް ސެންޓަރަކާއި ދަނާލެއް ގާއިމު ކުރަން ހަވާލުކޮށްފި

ކުޅުދުއްފުށި ސިޓީ އަދި ރ. ދުވާފަރުގައި ޓިވެޓް ސެންޓަރަކާއި ދަނާލެއް ގާއިމު ކުރަން ދެ ކުންފުންޏަކާ ހަވާލުކޮށްފި އެވެ.

ހަޔާ އެޑިއުކޭޝަން މިނިސްޓްރީގެ ފަރާތުން ރާއްޖޭގެ އެކި ސަރަހައްދު ތަކަށް އަމާޒުކޮށް މަތީ ތައުލީމާއި ތަމުރީނު ދޭ މަރުކަޒުތައް ބިނާކޮށް ހިންގުމަށް ކުރިޔަށް ގެންދާ ޕްރޮޖެކްޓް ތަކުގެ ތެރެއިން ކުޅުދުއްފުށީގައި ޓެކްނިކަލް ވޮކޭޝަނަލް (ޓިވެޓް) ސެންޓަރަކާއި ދަރިވަރުންގެ ދަނާލެއް އިމާރާތް ކުރާއިރު، ރ. ދުވާފަރުގައި ވެސް ޓްރެއިނިން އޭރިއާއަކާއެކު ދަނާލެއް ގާއިމު ކުރާނެ ކަމަށް މިނިސްޓްރީން ބުންޏެވެ.

ކުޅުދުއްފުށީގައި ގާއިމު ކުރާ މި ޓިވެޓް ސެންޓަރުގެ މަސައްކަތް ހަވާލު ކުރީ ރޯޑް ޑިވެލޮޕްމެންޓް ކޯޕަރޭޝަން (އާރުޑީސީ)އާ އެވެ. އަދި ރ. ދުވާފަރުގައި ޓްރެއިނިން އޭރިއާ އަކާއެކު ދަނާލެއް ގާއިމު ކުރަން ހަވާލު ކުރީ ފެނަކަ ކޯޕަރޭޝަނާ އެވެ.

މިނިސްޓްރީން ބުނީ މި ފަދަ މަޝްރޫއު ތަކުގެ ސަބަބުން، ރައީސް ޑރ. މުޙައްމަދު މުއިއްޒުގެ ވައުދުފުޅާއި އެގޮތަށް، ދަނާލުގެ ހިދުމަތާއެކު ތަރައްގީ ކުރެވޭ މިފަދަ އިންސްޓިޓިއުޓަކުން ރަށުން ބޭރުން އަންނަ ދަރިވަރުންނަށް އަތޮޅު ތެރޭގައި ތިބެގެން ފަސޭހަކަމާއެކު، ފެންވަރު ރަގަޅު ޓެކްނިކަލް ޓްރެއިނިން އަދި މަތީ ތައުލީމުގެ ފުރުސަތުތައް ފަހިވާނެ ކަމަށެވެ.

ހަޔާއެޑިއުކޭޝަން މިނިސްޓްރީ