ދަރިވަރުންގެ އިހުޔާ ފޯރަމް މިރޭ ހުށައަޅައިދޭނީ ބިލަބޮންގް ސުކޫލުން

ބިލަބޮންގް ސްކޫލް -- ސަޕްކޯޕަސް ބްލޮގް ފޮޓޯ

ރަމަޟާން މަހުގެ ރޭތައް އިހުޔާ ކުރުމަށް ކުރިއަށް ގެންދާ ދަރިވަރުންގެ އިހުޔާގެ ތިން ވަނަ ފޯރަމް މިރޭ ބާއްވާގޮތަށް ނިންމާފައިވާ ކަމަށް އިސްލާމިކް މިނިސްޓްރީން ބުނެފި އެވެ.

ބިލަބޮން ހައި އިންޓަނޭޝަނަލް ސުކޫލުން މިރޭގެ ފޯރަމްގައި އަލިއަޅުވާލުމަށް ހަމަޖައްސާފައި ވަނީ "ކާއިނާތުގެ ފުރިހަމަކަން" މި މައުލޫ އަށެވެ.

އިސްލާމީ މަރުކަޒުގެ ޖަލްސާކުރާ މާލަމުގައި ކުރިއަށްދާ މި ފޯރަމް ފެށުމަށް ނިންމާފައިވަނީ މިރޭ 9:30ގަ އެވެ. މި ފޯރަމް މިނިސްޓްރީގެ ފޭސްބުކް ޕޭޖް މެދުވެރިކޮށް ލައިވް ކުރާނެ އެވެ.

މިއަހަރުގެ ދަރިވަރުންގެ އިހުޔާ ފޯރަމްގައި 6 ސުކޫލަކުން ހުށައަޅައިދޭނެ އެވެ.

އެއީ އަހުމަދިއްޔާ އިންޓަނޭޝަނަލް ސުކޫލް، މަދްރަސަތުލް އަރަބިއްޔަތުލް އިސްލާމިއްޔާ، ވިލާ އިންޓަނޭޝަނަލް ހައި ސުކޫލް، ސެންޓާ ފޯ ހަޔާ ސެކަންޑަރި އެޑިޔުކޭޝަން (މާލެ)، ސެންޓާ ފޯ ހަޔާ ސެކަންޑަރި އެޑިޔުކޭޝަން (ހުޅުމާލެ) ގެ އިތުރުން ބިލަބޮން ހައި އިންޓަނޭޝަނަލް ސުކޫލްއެވެ.

މިހާތަނަށް ދަރިވަރުންގެ އިހުޔާ ފޯރަމް ހުށައަޅައިދީފައި ވަނީ އަރަބިއްޔާ ސުކޫލާ އިސްލާމިއްޔާ، ސެންޓާ ފޯ ހަޔާ ސެކަންޑަރި އެޑިޔުކޭޝަން (މާލެ) އިންނެވެ.

ދަރިވަރުންގެ އިހުޔާ ފޯރަމްތައް އޮންނާނީ ކޮންމެ ހޯމަ އަދި ބުދަ ދުވަހެއްގެ ރޭގަ އެވެ.

އިސްލާމިކް މިނިސްޓްރީ