ޕީކް ސީޒަނަށް ތައްޔާރުވާން ހުޅުމާލޭގައި ދެ ތޮޔޮ ޓޭންކު ބަހައްޓަނީ

ހުޅުމާލޭގައި 2 ތެޔޮ ޓޭންކު ބަހައްޓަން އެއްބަސްވުމެއްގައި ސޮއި ކުރުން --

ޕީކް ސީޒަނަށް ތައްޔާރުވުމުގެ ގޮތުން ހުޅުމާލޭގެ ފުރަތަމަ ފިޔަވަހީގައި ދެ ތެޔޮ ޓޭންކު ބަހައްޓަން ސްޓެލްކޯއިން އެމްޓީސީސީއާއެކު އެއްބަސްވުމެއްގައި ސޮއިކޮށްފި އެވެ.

އެމްޓީސީސީގެ ފަރާތުން މި އެއްބަސްވުމުގައި ސޮއި ކުރެއްވީ އެ ކުންފުނީގެ މެނޭޖިން ޑިރެކްޓަރު (ރިޓަޔާޑް) ޑެޕިއުޓީ ކޮމިޝަނަރު އޮފް ޕޮލިސް އަހުމަދު ސައުދީ އެވެ. އަދި ސްޓެލްކޯގެ ފަރާތުން ސޮއި ކުރެއްވީ ކުންފުނީގެ މެނޭޖިން ޑިރެކްޓަރު ހުސައިން ފަހުމީ އެވެ.

މި އެއްބަސްވުމުގެ ދަށުން ގްރޭޓާމާލޭ ޕަވާ ޖެނެރޭޝަން ބެކަޕްގެ ގޮތުގައި ހުޅުމާލޭގެ ފުރަތަމަ ފިޔަވަހީގައި ގާއިމު ކުރާ ހުޅުމާލެ ޕަވާ ހައުސް އެންކްސް 2 ގައި 80،000 ލީޓަރުގެ ދެ ތެޔޮ ޓޭންކް ބެހެއްޓުމަށް އެމްޓީސީސީއާއެކު ވަނީ އެއްބަސްވެފަ އެވެ.

މި ޓޭންކުތަކުގެ ސަބަބުން ކަރަންޓު ބޭނުން ކުރުން އެންމެ މަތިވާ ގަޑިތަކުގައި ސްޓެލްކޯގެ ކަރަންޓު އުފެއްދުމުގެ ގާބިލުކަން އިތުރުވެ، މުޖުތަމައުއަށް އިތުބާރު ހުރި ގޮތެއްގައި ކަރަންޓުގެ ހިދުމަތް ފޯރުކޮށް ދެވޭނެ އެވެ.

ސްޓެލްކޯ އެމްޓީސީސީ