ދަންވަރު ގެއަކަށް ވަދެ، ވެރިފަރާތަށް ބިރުދައްކާ ގެއްލުންދިން ބަޔަކު ހައްޔަރު

ދަންވަރު ގެއަކަށް ވަދެ ވެރިފަރާތަށް ބިރު ދައްކާ ގެއްލުންދިނުމުން ހައްޔަރު ކުރި 4 މީހުން

ދަންވަރު މާލޭ ގެއަކަށް ވަދެ ވެރިފަތާރަށް ބިރުދައްކާ އިންޒާރު ދީފައިވާ މައްސަލައެއްގައި ފުލުހުން ބަޔަކު ހައްޔަރުކޮށްފި އެވެ.

މި މައްސަލައާ ގުޅުވައިގެން ހައްޔަރު ކުރީ އއ. މާޅޮސް ރީތިހިޔާ މުޙައްމަދު އަފުލާހު، 23، އާއި ނ. ވެލިދޫ އިލާސް، އިބްރާހީމް އަހުނަފް، 21، އާއި ނ.މަނަދޫ ހަވޭލި މުޙައްމަދު އަޒާން، 23، އަދި ތ. ގުރައިދޫ، ފަޒާ އަލީ ނަވާފް، 21، އެވެ. މި މައްސަލަ ފުލުހަށް ރިޕޯޓުކުރީ ރޭގެ ވަގުތެއްގަ އެވެ.

ފުލުހުން ބުނީ އެ ހަތަރު މީހުން ރޭ 12:45ހާއިރު ވަދެ އެ ގެއަށް ގެއްލުން ދީފައިވާ ކަމަށާއި އަދި އެ މީހުން ހައްޔަރު ކުރީ ކުށުގެ ވެށީން ކަމަށެވެ.

މި ހަތަރު މީހުންގެ ބަންދާމެދު ގޮތެއް ނިންމުމަށް މިއަދު ކުރިމިނަލް ކޯޓަށް ހާޒިރުކުރުމުން ވަނީ 15 ދުވަށް ބަންދުކުރުމަށް އަމުރުކޮށްފަ އެވެ.

މާލޭގައި މީހުންނަށް ބިރުދެއްކުމާއި ތޫނު ހަތިޔާރުން ހަމަލާ ދިނުމާއި ގޭންގު ހިންގުމާއި މުދަލަށް ގެއްލުން ދިނުމާ ފޭރުމުގެ މައްސަލަތައް މި ފަހަކަށް އައިސް ވަނީ ގިނަވެފަ އެވެ.

ފުލުހުން