އިސްލާމްދީނުގެ ހިދާޔަތު ދެމެހެއްޓުމަށް އެންމެން ގުޅިގެން މަސައްކަތް ކުރާން ޖެހޭ: ޝަހީމް

ގައްދޫގައި މިރޭ ބޭއްވި އިހުޔާ ފޯރަމްގެ ތެރެއިން --

އިސްލާމްދީނުގެ ހިދާޔަތު ދެމެހެއްޓުމަށް އެންމެން ގުޅިގެން މަސައްކަތް ކުރަން ޖެހޭކަމަށް އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސައީދު ވިދާޅުވެއްޖެ އެވެ.

ޝަހީމް މިހެން ވިދާޅުވީ، ގދ. ގައްދޫގައި މިރޭ ކާމިޔާބުކަމާއެކު ކުރިއަށް ގެންދިޔަ އިހުޔާ ފޯރަމް އާއި ގުޅިގެން ގައްދޫ ރައްޔިތުންނަށާއި ކައުންސިލަށް ޝުކުރު އަދާކުރައްވާ ރަސްމީ ފޭސްބުކް އެކައުންޓުގައި ކުރެއްވި ޕޯސްޓެއްގަ އެވެ.

މިނިސްޓަރުގެ ޕޯސްޓުގައި ވަނީ އިހުޔާ ފޯރަމް ކުރިއަށް ގެންދިއުމަށް ގައްދޫ ކައުންސިލުން ދެއްވި އެއްބާރުލެއްވުމާއި އެހީތެރިކަން ފާހަގަ ކުރައްވާ ކައުންސިލަށް ޝުކުރު އަދާ ކުރައްވާފަ އެވެ.

މި ރަމަޟާން މަހުގެ ރޭތައް އިހުޔާ ކުރުމަށް އަތޮޅުތެރޭގެ 7 ރަށެއްގައި އިހުޔާ ފޯރަމް ކުރިއަށް ގެންދިއުމަށް ހަމަޖެހިފައިވާއިރު، މިރޭ ގައްދޫގައި ކުރިއަށް ދިޔައީ މި ސިލްސިލާގެ ފުރަތަމަ ފޯރަމްއެވެ.

މިރޭގެ ފޯރަމްއަށް ގައްދޫގެ ގިނަ އަދަދެއްގެ ރައްޔިތުން ހާޒިރުވެފައިވާކަން ފާހަގަކޮށްލެވެ އެވެ.

މިރޭގެ ފޯރަމްގައި ތަގުރީރު ކުރެއްވީ އިސްލާމިކް މިނިސްޓްރީގެ ސްޓޭޓް މިނިސްޓަރު އަބްދުالله ސައުދާން އެވެ.

މިނިސްޓަރ ޝަހީމް