ސްޓެލްކޯގެ އަމާޒަކީ ކަސްޓަމަރުންނަށް ލުއި ފަސޭހަ ގޮތްތައް ހޯދައިދިނުން: ފަހުމީ

ސްޓެލްކޯގެ ޕްރެސްއެއްގައި އެމްޑީ ފަހުމީ --

ސްޓެލްކޯއިން އަބަދުވެސް މަސައްކަތް ކުރާނީ ކަސްޓަމަރުންނަށް ލުއި ފަސޭހަ ގޮތްތައް ހޯދައިދޭން ކަމަށް އެ ކުންފުނީގެ މެނޭޖިން ޑިރެކްޓަރު ހިސައިން ފައުމީ ވިދާޅުވެއްޖެ އެވެ.

ފަހުމީ ކުރެއްވި އެކްސް ޕޯސްޓެއްގައި ވިދާޅުވީ ސްޓެލްކޯއަކީ ކަސްޓަމަރުންނާއި ގާތުން މަސައްކަތް ކުރާ ގައުމަށް އިހުލާސްތެރި އަދި މަސައްކަތުގެ އަހުލާގާއި ސުލޫކު ހިފަހައްޓައިގެން މަސައްކަތް ކުރާ މުވައްޒަފުންތަކެއް ތިބި ކުންފުންޏެއް ކަމަށެވެ.

ސްޓެލްކޯއިން ރައްޔިތުންނަށް އޮޅުވާލާނެ އެއްވެސް އެއްޗެއް ނޯންނާނެ ކަމަށާއި އެ ކުންފުނިން އަބަދު ވެސް މަސައްކަތް ކުރާނީ އިހުލާސްތެރިކަމާ އެކު ކަސްޓަމަރުންނަށް ލުއި ފަސޭހަ ގޮތްތައް ހޯދައިދޭން ކަމަށް ވެސް ފަހުމީ ވިދާޅުވި އެވެ.

"މި ކުންފުންޏަކުން ރައްޔިތުންނަށް އޮޅުވައެއް ނުލާނެ، އޮޅުވާލާނެ އެއްޗެއް ވެސް ނޯންނާނެ، ސްޓެލްކޯއިން މަސައްކަތް ކުރާނީ އަބަދު ވެސް އިހުލާސްތެރިކަމާ އެކު، އަދި ސްޓެލްކޯއަކީ އަބަދު ވެސް ކަސްޓަމަރުންނަށް އެންމެ ލުއި ފަސޭހަގޮތް ހޯދައިދޭން މަސައްކަތް ކުރާ ކުންފުންޏެއް،" އޭނާ ވިދާޅުވި އެވެ.

ފަހުމީ ވިދާޅުވީ ބިލް ދެއްކުމަށް ދަތިވާ ފަރާތް ތަކަށް ލުއި ގޮތްތައް އަބަދު ވެސް އޮންނާނެ ކަމަށާއި އެ ގޮތުން ސްޓެލްކޯ ވެބްސައިޓް https://stelco.com.mv/rpex މެދުވެރިކޮށް ޕޭމަންޓް އެކްސްޓެންޝަނަށް އެދުމުގެ ފުރުސަތު ހުރިހާ ފަރާތް ތަކަށް ވެސް މިހާރު ހުޅުވާލާފައިވާ ކަމަށެވެ.

"އަދި މިކަމުގައި އަޅުގަނޑަށް ނުވަތަ ސްޓެލްކޯގެ އެއްވެސް ވެރިއަކަށް ގުޅާކަށް ނުޖެހޭނެ،" އެމްޑީ ފަހުމީ ވިދާޅުވި އެވެ.

ސްޓެލްކޯ