ފުލެޓު ލިސްޓަށް މިހާތަނަށް 675އަށްވުރެ ގިނަ ޝަކުވާ

އަމާން އުދަރެސް ފުލެޓެއް -- ފޮޓޯ/ ރައީސް އޮފީސް

"ގެދޮރުވެރިޔާ" ސުކީމުގެ ދަށުން މިދިޔަ ބުރާސްފަތި ދުވަހު އާންމު ކުރި ފުލެޓު ލިސްޓަށް މިހާތަނަށް 675އަށްވުރެ ގިނަ ޝަކުވާ ޝަކުވާ ހުށަހަޅާފައިވާ ކަމަށް ހައުސިން މިނިސްޓްރީ އިން ބުނެފި އެވެ.

ފުލެޓު ލިސްޓަށް 'ގެދޮރުވެރި ޕޯޓަލް' މެދުވެރިކޮށް ޝަކުވާ ހުށަހެޅުމުގެ ފުރުސަތު ހުޅުވާލީ މިދިޔަ ހޮނިހިރު ދުވަހުގަ އެވެ. އެ ފުރުސަތު ބަންދު ވާނީ މި މަހުގެ 31ގެ ނިޔަލަށެވެ.

ހައުސިން މިނިސްޓްރީގެ މީޑިއާ އޮފިޝަލަކު ވިދާޅުވީ އެ ލިސްޓަށް މިހާތަނަށް 675 ޝަކުވާ ހުށަހަޅާފައިވާ ކަމަށާއި އެއީ ތިން ކޮޓަރީގެ ފުލެޓު ލިސްޓާ ގުޅޭ 452 ޝަކުވާ އާއި ދެ ކޮޓަރީގެ ލިސްޓާ ގުޅޭ 223 ޝަކުވާއެއް ކަމަށެވެ.

"ގެދޮރުވެރިޔާ" ސުކީމުން ދޫ ކުރާ 4،000 ފުލެޓު ލިބޭ މީހުންގެ ލިސްޓު އާންމު ކޮށްފައިވާ އިރު، އެ ސުކީމަށް 18،000އަށް ވުރެ ގިނަ ފޯމު ހުށަހަޅައިފައިވެ އެވެ. ނަމަވެސް މި ސަރުކާރުން ނެރުނު ލިސްޓުގައިވާ ގޮތުން ފުލެޓަށް ޝަރުތު ހަމަވަނީ އޭގެ ތެރެއިން 1،820 މީހުންނެވެ.

ގެދޮރުވެރިޔާ ސުކީމަށް ހާއްސަ ކޮށްގެން މިހާރު ހަދަމުން އަންނަ ޓަވަރު ތަކުގައި ހިމެނެނީ ތިން ކޮޓަރީގެ 2،750 ފުލެޓުގެ އިތުރުން ދެ ކޮޓަރީގެ 1،250 ފުލެޓެވެ.

ހައުސިންގ މިނިސްޓްރީ