ފެންބޮޑުވެގެން ހުޅުމާލެ ސަހަރާގައި މީހުން ވަޅުލުން މެދުކަނޑާލައިފި

ހުޅުމާލޭ ސަހަރާގެ ކަށްވަޅުގައި ފެންބޮޑުވެފައި --

ހުޅުމާލޭ ސަހަރާގައި މީހުން ވަޅުލުން ވަގުތީ ގޮތުން މެދުކަނޑާލާފައިވާ ކަމަށް މާލޭ ސިޓީ ކައުންސިލުން ބުނެފިއެވެ.

މާލެ ސިޓީ ކައުންސިލުން ކުރި އެކްސްގައި ޕޯސްޓެއްގައި ބުނީ މި ސަރަހައްދަށް ކުރަމުން އަންނަ ވިއްސާރައާ ގުޅިގެން ކަށްވަޅުގައި 8 އިންޗި އާއި 9 އިންޗިއާއި ދެމެދު ފެން އޮތުމުން މި ވަގުތަށް ހުޅުމާލެ ސަހަރާގައި މައްޔިތުން ވަޅުލެވެން ކަމަށެވެ.

ސިޓީ ކައުންސިލުން ބުނީ މިހެން ކަމުން މިއަދު މަގުރިބު ނަމާދަށް ފަހު ހުޅުމާލެ ސަހަރާގައި ވަޅުލަން ހަމަޖެހިފައިވާ މައްޔިތާ ވަޅުލުން މާލެ އާސަހަރާއަށް ބަދަލު ކުރެވިފައިވާ ކަމަށެވެ.

"މިއަދު މަގުރިބު ނަމާދަށް ފަހު ހުޅުމާލެ ސަހަރާގައި ވަޅުލަން ހަމަޖެހިފައިވާ މައްޔިތާ ވަޅުލުން މިހާރު ވަނީ މާލެ އާސަހަރާއަށް ބަދަލު ކުރެވިފައި،"މ ކައުންސިލުން ބުންޏެވެ.

ރެއިން ފަށައިގެން މެދުނުކެނޑި މާލޭ ސަރަހައްދަށް ބޯކޮށް ވާރޭ ވެހުމުން، އެކި ސަރަހައްދުތަކުގައި ވަރަށް ބޮޑަށް ފެންބޮޑުވި އެވެ. އަދި ފެންބޮޑުވެ، ނަޖިސް ބޭރުވުމުން ހަތަރު ގެއަކުން 40 މީހަކަށް ވަގުތީ ބޯހިޔާވަހިކަން ވަނީ ދީފަ އެވެ.

އެމްއެންޑީއެފުން ވަނީ މާލޭގެ ފަސް ސަރަހައްދެއްގައި ފެން ހިންދާ 13 ޕަންޕު ބަހައްޓައިގެން މަސައްކަތްކޮށްފަ އެވެ. މި އޮޕަރޭޝަންގައި 131 ގެއަކަށް އެހީތެރިކަން ފޯރުކޮށްދީފައިވާއިރު، 976 ވެލި ބަސްތާ ޖަހައި ދީފައިވެއެވެ.

މާލެ ސިޓީ ކައުންސިލް