ދ. އަތޮޅަށް ކުރެއްވި ދަތުރުފުޅަށްފަހު ރައީސް މާލެ ވަޑައިގެންފި

ރައީސް . މީދޫއަށް ވަޑައިގަތުން --

ދ. އަތޮޅުގައި މީހުން ދިރިއުޅޭ ހުރިހާ ރަށަކަށް ކުރެއްވި ދަތުރުފުޅު ނިންމަވާލެއްވުމަށްފަހު، ރައީސް ޑރ. މުޙައްމަދު މުއިއްޒު މާލެ ވަޑައިގެންފި އެވެ.

މި ދަތުރުފުޅުގައި އެ މަނިކުފާނު ވަނީ އެ އަތޮޅު ކުޑަހުވަދޫ، މާއެނބޫދޫ، ބަނޑިދޫ، މީދޫ، ރިނބުދޫ އަދި ހުޅުދެއްޔަށް ވަޑައިގެން، ރަށު ކައުންސިލް ތަކާއި، އަންހެނުންގެ ތަރައްގީ އަށް މަސައްކަތް ކުރާ ކޮމިޓީ ތަކާއި، މުވައްސަސާ ތަކުގެ ވެރީން އަދި ރައްޔިތުންނާ ބައްދަލު ކުރައްވައި، ކަންބޮޑުވުންތައް އަޑު އައްސަވާފަ އެވެ. އަދި ރައްޔިތުން އެދޭ ހިދުމަތްތައް ފޯރުކޮށްދިނުމުގެ ގޮތުން، މުހިންމު ނިންމެވުން ތަކެއް ނިންމަވައި އިއުލާން ކުރައްވާފައި ވެސް ވެއެވެ.

އެ މަނިކުފާނުގެ މި ދަތުރުފުޅުގައި ވަނީ ގިނަ ރަށް ތަކެއްގައި އޭޓީއެމްގެ ހިދުމަތް ފައްޓަވައިދެއްވާފަ އެވެ.

މިއާއެކު ތ. އަތޮޅު ވެފައި މިވަނީ، ވަކި ރަށްތަކުގެ މައްޗަށް އެކުލެވިފައިވާ އެއް އަތޮޅެއްގެ ހުރިހާ ރަށެއްގައި އޭޓީއެމްގެ ހިދުމަތް ގާއިމު ކުރި ފުރަތަމަ އަތޮޅަށެވެ.

ރައީސްގެ މި ދަތުރުފުޅުގައި ވަނީ، މި އަހަރުގެ ރިޔާސީ ބަޔާނުގައި ވެސް ވިދާޅުވެފައިވާ ފަދައިން، މަސައްކަތް ފެށުމަށް ފަހު ހުއްޓިފައި ހުރި ހުރިހާ މަޝްރޫއެއް، ފެބްރުއަރީ މަހާއި މާޗު މަހު، އަލުން ފައްޓާނޭ ކަމަށް ވިދާޅުވާ ވިދާޅުވުން، ތަކުރާރު ކުރައްވާފަ އެވެ.

ރަމަޟާން މަހަށް ދަތުރުތައް މެދުކަނޑާލެއްވުމަށްފަހު، އަނެއްކާވެސް ރައްޔިތުންނާ ބައްދަލު ކުރެއްވުމަށް ކުރައްވާ ދަތުރުފުޅުތައް ފައްޓަވާނޭ ކަމަށް ރައީސް ވަނީ ވިދާޅުވެފަ އެވެ.

ރައީސް ޑރ މުޢިއްޒު