މިނިސްޓަރު އިހުސާންގެ އިތުބާރު ނެތް ކަމަށް ފާހެއް ނުވި

ހޯމް މިނިސްޓަރު އިހުސާން

ހޯމް މިނިސްޓަރު އަލީ އިހުސާންގެ އިތުބާރު ނެތް ކަމަށްބުނެ އިދިކޮޅު އެމްޑީޕީން މަޖިލީހަށް ހުށަހެޅި މައްސަލަ ފާހެއް ނުވި އެވެ.

މިއަދުގެ ޖަލްސާއަށް ހާޒިރުވި 75 މެންބަރުންގެ ތެރެއިން އިހުސާންގެ އިތުބާރު ނެތް ކަމަށް ވޯޓު ދެއްވީ އެމްޑީޕީގެ ޕާލިމަންޓްރީ ގްރޫޕުގެ 11 މެންބަރުންނެވެ. އިތުބާރު އޮތް ކަމަށް ވޯޓު ދެއްވީ 64 މެންބަރުންނެވެ.

އެމްޑީޕީގެ 11 މެންބަރުންގެ ސޮޔާއެކު، ހުށަހެޅި އެ މައްސަލައިގައި އިހުސާންގެ މައްޗަށް ކޮށްފައިވާ ތުހުމަތު ތަކަށް އެމަނިކުފާނު މިއަދު ވަނީ މަޖިލީހުގައި ޖަވާބު ދެއްވާފަ އެވެ.

އެ ތުހުމަތު ތަކުގެ ތެރޭގައި ޑީއެންއާރުގެ ޑޭޓާބޭސް ބޭނުން ކޮށްގެން އާންމުންގެ އެތައް ބައެއްގެ ޒާތީ މައުލޫމާތު ނަގައި ވެރިކަން ކުރާ ޕީއެންސީ އަށް މެންބަރުން ވެއްދުން ހިނެ އެވެ.

އަދި ރާއްޖޭގައި ވަޒީފާ އަދާ ކުރާ ބިދޭސީންގެ ކަންކަން ބެލެހެއްޓުމަށް އިމިގުރޭޝަނުން ބޭނުން ކުރުމަށް އެކްސްޕެޓް ސިސްޓަމެއް ގާއިމު ކޮށްފައިވަނިކޮށް އެ ނިޒާމު ހުއްޓުވައި ދައުލަތަށް ބޮޑު ގެއްލުމެއްވާ ގޮތަށް މެލޭޝިޔާގެ ކުންފުންޏަކަށް ދިން ކަމުގެ ތުހުމަތު ވެސް މިނިސްޓަރު އިހުސާންގެ މައްޗަށް ކުރެއެވެ.

ހޯމް މިނިސްޓަރު އިހުސާން