ރޯދަމަހު ވިޔަފާރި މުދާ އުފުލޭނެ ވަގުތު ކަނޑައަޅައިފި

ލޮރީއަކުން މުދާ އުފުލަނީ -- އަވަސް ފޮޓޯ

ކުރިއަށް އޮތް ރޯދަ މަހު މާލެ ސަރަހައްދުގައި ވިޔަފާރި މުދާ އުފުލޭނެ ވަގުތުތައް، މިނިސްޓްރީ އޮފް ޓްރާންސްޕޯޓް އެންޑް ސިވިލްއޭވިއޭޝަން އިން ކަނޑައަޅައިފި އެވެ.

ޓްރާންޕޯޓު މިނިސްޓްރީން މިއަދު ވަނީ ރޯދަ މަހުގެ ފުރަތަމަ ދުވަހުން ފަށައިގެން 19 ވަނަ ދުވަހާ ހަމައަށް އަދި ޝައްވާލް މަހުގެ ހަތް ވަނަ ދުވަހުގެ ނިލަށް ގްރޭޓާ މާލެ ސަރަހައްދުގައި ވިޔަފާރި މުދާ އުފުލުމުގެ ގަޑިތައް ކަނޑައަޅައި ގެޒެޓްކޮށްފަ އެވެ.

އެ ގޮތުން ބަރު އުޅަނދާއި ހުރިހާ ބާވަތެއްގެ މުދާ އުފުލާ އުޅަނދު ތަކުގައި މުދާ އުފުލޭނެ ގަޑި ތަކަކީ، ހެނދުނު 9:30 އިން 4:30 އަށް އަދި ރޭގަނޑު 8:00 އިން 6:00 އަށެވެ.

ރޯދަ މަހުގެ 20 ވަނަ ދުވަހުން ފަށައިގެން މުދާ އުފުލޭނެ ގަޑިތަކަކީ، ހެނދުނު 6:00 އިން ހަވީރު 4:30 އަށް އަދި ރޭގަނޑު 8:00 އިން ހެނދުނު 6:00އަށެވެ.

ހަވީރު 4:30 އިން ފަށައިގެން 8:00އާ ދެމެދު މުދާ އުފުލުން މަނާ ވާނެ އެވެ.

މި އެންގުމާއި ހިލާފުވާ ފަރާތްތައް 750 ރުފިޔާ އިން ޖޫރިމަނާ ކުރާނެ ކަމަށް ވެސް އެ މިނިސްޓްރީން ބުންޏެވެ.

ޓްރާންސްޕޯރޓު