މަޝްރޫއުތައް ހިންގާނީ ހަރަދު ކުޑަކޮށް، އެންމެ ރަނގަޅަށް ކަން ކުރެވޭ ގޮތަށް: ރައީސް

ރައީސް މާއެނބޫދޫ ރައްޔިތުންނާ ބައްދަލު ކުރެއްވުން -- ފޮޓޯ/ ރައީސް އޮފީސް

ސަރުކާރުން މަޝްރޫއުތައް ހިންގުމަށް ރާވާފައި ވަނީ އެންމެ ހަރަދު ކުޑަކޮށް، އެންމެ ރަނގަޅަށް ކަން ކުރެވޭ ގޮތަށް ކަމުގައި ރައީސް ޑރ. މުޙައްމަދު މުއިއްޒު ވިދާޅުވެއްޖެ އެވެ.

އެ މަނިކުފާނު މިހެން ވިދާޅުވީ ދ. މާއެނބޫދޫ އަށް ވަޑައިގެން އެރަށު ރައްޔިތުންނާ ބައްދަލު ކުރައްވައި ދެއްކެވި ވާހަކަފުޅުގަ އެވެ.

ރައީސް ވާހަކަފުޅުގައި، އީއައިއޭ ފާސްވުމާއެކު މާއެނބޫދޫ ބިން ހިއްކުމުގެ އަމަލީ މަސައްކަތް ފެށޭނެ ކަމަށާއި އެއާއެކު އެ މަޝްރޫއުގެ މަސައްކަތް ބާރު ސްޕީޑުގައި ކުރިއަށްގެންގޮސް، ރިޔާސީ އިންތިހާބުގައި ވައުދުވެވަޑައިގެންނެވި ގޮތަށް، 30 ހެކްޓަރުގެ ބިން ހިއްކާނެ ކަމުގެ ޔަގީންކަން ދެއްވިއެވެ. އަދި ރައްޔިތުން ބޭނުންވި ގޮތަށް އޭގެ ތެރެއިން ދެ ހެކްޓަރު ވަކިން، ވަކި ރަށެއްގެ ގޮތުގައި ހިއްކައިދެއްވާނެ ކަމުގައި ރައީސް ވިދާޅުވި އެވެ.

އެ މަނިކުފާނު ވަނީ މާއެނބޫދޫ ސިއްހީ މަރުކަޒަށް ބޭނުންވާ ޖާގަ އާއި ވަސީލަތް ފުރިހަމަ ކޮށްދެއްވާނެ ކަމުގެ ޔަގީންކަން ދެއްވާފަ އެވެ.

އޭގެ އިތުރުން ކުޅިވަރުގެ ވަސީލަތްތައް ތަރައްގީ ކުރުމަށް ޓަކައި، ހުއްޓިފައި ހުރި މަޝްރޫއުތައް، ނުވަތަ ރަނގަޅަށް ނުހިނގާ މަޝްރޫއު ތަކުގެ މަސައްކަތްތައް ފެށިގެންދާއިރު، މާއެނބޫދޫގެ ފުޓުބޯޅަ ދަންޑަށް ބޭނުންވާ ހުރިހާ ކަމެއް ފުރިހަމަކޮށްދެއްވައި، އެ ރަށު ވޮލީކޯޓާއި ފިޓްނަސް ރިކްރިއޭޝަން ސެންޓަރުގެ މަސައްކަތް ނިންމަވައި ދެއްވާނެ ކަމުގެ ޔަގީންކަން ވެސް ރައީސް މުއިއްޒު ދެއްވި އެވެ.

ރައީސް ޑރ މުޢިއްޒު