މާޅޮސް ބަނދަރު މަޝްރޫއު ބާރު ސުޕީޑުގައި ކުރިއަށް

ބ. މާޅޮސް ބަނދަރު މަރާމާތު ކުރުމާއި ގޮނޑުދޮށް ހިމާޔަތް ކުރުމުގެ މަޝްރޫޢުގެ ދަށުން، އައު ހާބާ ބޭސިން ފުން ކުރުމުގެ މަސައްކަތުގެ 68 ޕަސެންޓް މަސައްކަތް ނިންމާފައިވާ ކަމަށް އެމްޓީސީސީން ބުނެފި އެވެ.

ސަރުކާރުން މި މަސައްކަތް ހަވާލުކޮށްފައިވާ އެމްޓީސީސީން ބުނީ އެ މަޝްރޫއުގެ ތެރެއިން މިހާރު ކުރިއަށްދަނީ އެއްގަމުތޮށި ލުމަށް ބޭނުންވާ ގައު އެތުރުމުގެ މަސައްކަތް ކަމަށެވެ.

މި މަޝްރޫއުގެ ދަށުން ކުރާނެ މަސައްކަތްތަކަކީ:

1. 7,512 ކިއުބިކް މީޓަރުގެ ސަރަހައްދެއްގެ ކުރިން ފުންކޮށްފައިވާ ފަޅު އަލުން ފުންކުރުން

2. 36,527 ކިއުބިކް މީޓަރުގެ ސަރަހައްދެއްގެ އައު ހާބަރ ބޭސިން ފުންކުރުން

3. 882 ކިއުބިކް މީޓަރުގެ ސަރަހައްދެއްގެ ނެރު ފުންކުރުން

4. 310 މީޓަރުގެ ސަރަހައްދެއްގައި އެއްގަމުތޮށި ލުން

5. 370 މީޓަރުގެ ސަރަހައްދެއްގައި ބޭރުތޮށި ލުން

6. 376 މީޓަރުގެ ސަރަހައްދެއްގައި ގްރޮއިން ޖެހުން

7. 266 މީޓަރުގެ ސަރަހައްދެއްގައި ރިވެޓްމެންޓް ޖެހުމާއި، ރޭމްޕެއް ހެދުން

8. 100 މީޓަރު ދިގު 1.5 މީޓަރު ފުޅާ ކޮންކްރީޓް ބްރިޖެއް ހެދުން

9. 1475 އަކަ މީޓަރުގެ ސަރަހައްދެއްގައި ޕޭވްމަންޓް ހެދުން

10. ނެރު ބައްތި އާއި ބަނދަރު ބައްތި ހަރުކުރުމުގެ މަސައްކަތް، މިއެވެ.

ދެހާސް އެކާވީސް ވަނަ އަހަރުގެ އޭޕްރީލް މަސް ތެރޭގައި އަމަލީ މަސައްކަތް ފެށި، މާޅޮސް ބަނދަރު މަޝްރޫއު އެމްޓީސީސީއާ ހަވާލު ކުރީ 69.4 މިލިއަން ރުފިޔާ އަށެވެ.