ރ. އަތޮޅު ކައުންސިލް އިދާރާއަށް ސިހުރު ހެދި ބަޔަކު ހައްޔަރުކޮށްފި

ރ. އަތޮޅު ކައުންސިލް އިދާރާއަށް ސިހުރު ހަދާތީ ހައްޔަރު ކުރި މީހުން --

ރ. އުނގޫފާރުގައި ހުންނަ އެ އަތޮޅު ކައުންސިލް އިދާރާއަށް ސިހުރު ހެދިކަމުގެ ތުހުމަތުގައި ބަޔަކު ހައްޔަރުކޮށްފި އެވެ.

ފުލުހުން މީޑިއާތަކާ މައުލޫމާތު ހިއްސާ ކުރަމުން ބުނީ ސިހުރު ހަދާކަމުގެ ތުހުމަތުގައި ކޯޓު އަމުރެއްގެ ދަށުން ހައްޔަކު ކުރީ އުނގޫރާފު ރިވެލިގެ، މުޙައްމަދު އަމްޖަދު، 61، އާއި އެރަށު ނަސީމީ ހިޔާ، މުޙައްމަދު ވަހީދު 67، ކަމަށެވެ.

އެ މީހުންގެ ބަންދާ މެދު ގޮތެއް ނިންމުމަށް ކޯޓަށް ހާޒިރު ކުރުމުން 15 ދުވަހު ބަންދު ކުރުމަށް ވަނީ އަމުރުކޮށްފަ އެވެ.

މި މައްސަލަ ފުލުހުން އަންނަނީ ތަހުގީގު ކުރަމުންނެވެ.

ރާއްޖޭގެ އެކިއެކި ރަށްރަށުގައި ދޭތެރެދޭތެރެއިން ސިހުރު ހަދާ މައްސަލަތައް ފަޅައި އަރައިގެން ފުލުހުން ތަހުގީގު ކޮށްފައި އެބަހުއްޓެވެ. އެގޮތުން މި ފަހުން ވަނީ ކުޅުދުއްފުށީގައި ސިހުރު ހާހޫރައިގެން ކަންތައް ބޮޑުވެ، އެ ރަށުގައި އޮޕަރޭޝަނެއް ހިންގައި 10 ގެއެއް ބަލައި ފާސްކޮށްފަ އެވެ. އަދި އޭގެ ތެރެއިން ހަ ގެއަކުން ސިހުރު ހަދަން ބޭނުން ކުރާ ސާމާނު ފުލުހުން ހޯދާފައި ވެއެވެ.

ފުލުހުން ސިހުރުހެދުން