ފުލުހުން، ތިން ކުންފުންޏަކާއެކު އެއްބަސްވުމެއްގައި ސޮއިކޮށްފި

ފުލުހުން ތިން ކުންފުންޏަކާއެކު އެއްބަސްވުމެއްގައި ސޮއި ކުރުމުގެ ރަސްމިއްޔާތުގެ ތެރެއިން --

ފުލުހުން، މި އަހަރަށް ހާއްސަކޮށްގެން "ކޮމިއުނިޓީ ސޭފްޓީ ޕާޓްނާޝިޕ" ޕްރޮގްރާމްގެ ހަރަކާތްތައް ކުރިއަށް ގެންދިއުމަށް ޓަކައި ތިން ފަރާތަކާ ދެމެދު އެއްބަސްވުމެއްގައި ސޮއިކޮށްފި އެވެ.

މި ޕްރޮގްރާމުގެ ޕްލެޓިނަމް ޕާޓްނަރުންނަކަށް ހަމަޖެއްސީ މޯލްޑިވްސް ޕޯޓްސް ލިމިޓެ (އެމްޕީއެލް) އާއި ޕްރޮކްސީ އެވެ. މީޑިއާ ޕާޓްނަރަކީ އެސްއެސް ޓީވީ އެވެ.

ފުލުހުންގެ ފަރާތުން އެއްބަސްވުންތަކުގައި ސޮއި ކުރެއްވީ ކޮމިޝަނާ އޮފް ޕޮލިސް އަލީ ޝުޖާއު އެވެ.

މޯލްޑިވްސް ޕޯޓްސް ލިމިޓެޑްގެ ފަރާތުން ސޮއިކުރެއްވީ ޑެޕިއުޓީ ޗީފް އެގްޒެކެޓިވް އޮފިސަރު މުޙައްމަދު މުއީން އެވެ. ޕްރޮކްސީގެ ފަރާތުން ސޮއި ކުރެއްވީ މެނޭޖިން ޑިރެކްޓަރު އަހުމަދު ޝާހިދު އެވެ. އަދި އެސްއެސް ޓީވީގެ ފަރާތުން ސޮއިކުރެއްވީ ޗީފް ކޮންޓެންޓް އޮފިސަރު މުޙައްމަދު ޒަހީން އެވެ.

މިއަދު މި ސޮއިކުރި ކޮމިއުނިޓީ ސޭފްޓީ ޕާޓްނާޝިޕް އެއްބަސްވުމުގެ ދަށުން ކޮމިއުނިޓީ އެންގޭޖްމަންޓު ތަފާތު ޕްރޮގްރާމްތައް ހިންގުމަށް ނިންމާފައިވެ އެވެ.

އެއްބަސްވުމުގައި ސޮއި ކުރުމަށް ބޭއްވި ރަސްމިއްޔާތުގައި، ޑެޕިއުޓީ ކޮމިޝަނަރު އޮފް ޕޮލިސް އިސްމާއީލް ނަވީން އާއި، ޑެޕިއުޓީ ކޮމިޝަނަރު އޮފް ޕޮލިސް ފަރުހާދު ފިކުރީ އާއި، ޕަބްލިކް ޓްރަސްޓް އެންޑް ކޮންފިޑެންސް މެނޭޖްމަންޓުގެ ހެޑް، ޗީފް ސުޕްރިންޓެންޑެންޓް އޮފް ޕޮލިސް ފާތިމަތު ނަޝްވާގެ އިތުރުން އެހެނިހެން ފުލުހުންގެ އިތުރުން ކުންފުނި ތަކުގެ އިސްވެރީން ބައިވެރިވެލެއްވި އެވެ.

ފުލުހުން