ހުޅުމާލޭ ހޮސްޕިޓަލްގައި 30 އެނދުގެ ޑައިލަސިސް ސެންޓަރެއް ހަދަނީ

ހުޅުމާލޭ ހޮސްޕިޓަލްގައި 30 އެނދުގެ ޑައިލަސިސް ސެންޓަރު އެޅުމުގެ އެއްބަސްވުން ބަދަލުކުރަނީ --

ހުޅުމާލޭ ހޮސްޕިޓަލްގައި 30 އެނދުގެ ޑައިލަސިސް ސެންޓަރެއް ގާއިމު ކުރުމުގެ އެއްބަސްވުމުގައި ސޮއިކޮށްފި އެވެ.

މި މަސައްކަތް ދެ މަސް ދުވަހުގެ ތެރޭގައި ނިންމާ ގޮތަށް ހަވާލު ކުރީ މެޑްޓެކް ކުންފުންޏާ އެވެ.

މިކަމުގެ އެއްބަސްވުމުގައި މާލެ ހޮސްޕިޓަލްސް ގްރޫޕްގެ ފަރާތުން ސޮއި ކުރެއްވީ ސީއީއޯ އިބްރާހިމް އަބްދުއްރައްޒާގު ހަލީމު އެވެ. މެޑްޓެކްގެ ފަރާތުން ޗެއާމަން އަހުމަދު ހައިކަލް އެވެ.

ރާއްޖޭގައި ކިޑްނީ ޑައިލަސިސް ހަދައި ގިނަ އަދަދެއް މީހުން ތިބޭއިރު، ހުޅުމާލޭ ހޮސްޕިޓަލްގައި ޑައިލަސިސް ހެދުމަށް ޓަކައި ހާއްސަކޮށްފައި ހުރީ އެންމެ 10 އެނދެވެ.

އެހެންވެ، ހަފްތާއަކު ހަތް ދުވަހު 24 ގަޑިއިރު ޑައިލަސިސް ހިދުމަށް ދީގެން ވެސް ވެއިޓް ލިސްޓުގައި ގިނަ ބަޔަކު ތިބޭންޖެހެ އެވެ.

ކަން މިހެން އޮތުމުން، ހުޅުމާލޭ ހޮސްޕިޓަލްގައި މިކަމަށް ޓަކައި 30 އެނދު އިތުރު ކުރުމަކީ އެ ބަލި ތަހައްމަލު ކުރަމުންދާ މީހުންގެ އުދާސް ތަކަށް ތަސައްލީ ގެނުވާނެ މުހިއްމު ކަމެކެވެ.

ހުޅުމާލެ ހޮސްޕިޓަލް