ރެހެންދި އެވޯޑަށް ކުރިމަތިލުމުގެ ފުރުސަތު ހުޅުވައިލައިފި

ރެހެންދި އެވޯޑު ދިނުމަށް މީގެ ކުރިން ބޭއްވި ރަސްމިއްޔާތެއްގެ ތެރެއިން --

ރެހެންދި އެވޯޑަށް ކުރިމަތިލުމުގެ ފުރުސަތު ޖެންޑާ މިނިސްޓްރީން މިއަދު ހުޅުވައިލައިފި އެވެ.

ރެހެންދި އެވޯޑަކީ އެކިއެކި ދާއިރާތަކުން އަންހެނުން ކުރާ މަސައްކަތްތަކާއި ގައުމީ ތަރައްގީ އަށާއި މުޖުތަމައު ބިނާ ކުރުމަށް އަންހެނުން އަދާ ކުރާ ދައުރާއި މުޖުތަމައުގައި އަންހެނުންގެ ހައްގުތައް ރައްކާތެރި ކުރުމަށާއި އަންހެނުންގެ ކުރި އެރުމަށް ކުރާ މަސައްކަތުގެ އަގުވަޒަން ކުރުމުމުގެ ގޮތުން ދޭ އެވޯޑެކެވެ.

ޖެންޑާ މިނިސްޓްރީން ގެޒެޓްކުރި އިއުލާނެއްގައިވާ ގޮތުން މި އެވޯޑަށް ނަން ހުށަހެޅުމުގެ ފުރުސަތު މިއަދުން ފެށައިގެން އަންނަ ކުރިއަށް އޮތް މާޗު މަހުގެ ހަތަރު ވަނަ ދުވަހުގެ 14:00ގެ ނިޔަލަށެވެ.

މިނިސްޓްރީން ބުނީ މި އެވޯޑަށް ކުރިމަތިލާން އަމިއްލައަށް ނަން ހުށަހެޅުމުގެ ފުރުސަތާއި، އެހެން ފަރާތަކުން ނަން ހުށަހެޅުމުގެ (ނޮމިނޭޓް ކުރުމުގެ) ފުރުސަތު، އަދި އަންހެނުންގެ ތަރައްގީއަށް މަސައްކަތް ކުރާ ކޮމިޓީ ތަކުންނާއި ޖަމުއިއްޔާ ޖަމާއަތްތަކުން ވެސް ނަން ހުށަހެޅުމުގެ ފުރުސަތު އޮންނާނެ ކަމަށެވެ.

މި އެވޯޑު ދިނުމަށް ހަމަޖެހިފައިވާ ދާއިރާ ތަކުގެ ޝަރުތުތައް އެކުލެވޭ އުސޫލާއި އެޕްލިކޭޝަން ފޯމު، ޖެންޑާ މިނިސްޓްރީގެ ވެބްސައިޓް www.msfd.gov.mv އިން ޑައުންލޯޑު ކުރެވޭނެ އެވެ.

އަންހެނުންގެ އަގު ގައުމީ ފެންވަރެއްގައި ވަޒަން ކުރުމުގެ ގޮތުން ރެހެންދި އެވޯޑު ތައާރަފްކޮށް މި އެވޯޑު ދޭން ފެށީ 2014 ވަނަ އަހަރު އެވެ.

ޖެންޑާ މިނިސްޓްރީ