އެންމެ އަމާނާތްތެރިކަމާއެކު ހިނގާ އެއް މުއައްސަސާއަކީ ޒަކާތާބެހޭ އިދާރާ: ޝަހީމް

އެންމެ އަމާނާތްތެރިކަމާއެކު ހިންގާ އެއް އިދާރާއަކީ ޒަކާތާބެހޭ އިދާރާ ކަމަށް ޑރ. ޝަހީމް ވިދާޅުވި --

ރާއްޖޭގައި އެންމެ އަމާނަތްތެރިކަމާއެކު ހިނގާ މުއައްސަސާއަކީ ޒަކާތާއި ބެހޭ އިދާރާކަމާއިމެދު ޝައްކު ނުކުރައްވާކަމަށް އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސައީދު ވިދާޅުވެއްޖެ އެވެ.

"އަހާ ފޯރަމް"ގައި ވާހަކަފުޅު ދައްކަވަމުން ޝަހީމް ވިދާޅުވީ، ޒަކާތު ހައުސްއަކީ އަކީ އެންމެ އަމާނަތްތެރިކަމާއެކު ހިނގާ މުއައްސަސާކަމަށާއި އެތަނުގެ އަގު ވައްޓާލުމަށް އެކި ވާހަކަތައް ދެއްކި ނަމަވެސް، އެތަނުގެ އަމާނަތްތެރިކަމާއިމެދު އެއްވެސް ޝައްކެތް ނެތްކަމަށެވެ.

"ރާއްޖޭގެ ތަނަވަސްކަމުގެ އަހުލުވެރިންނަށް އަޅުގަނޑު ދަންނަވާލާނީ ތިބޭފުޅުންގެ ޒަކާތު ހައުސްއޭ މިއީ، މުއައްސަސާގެ އަގު ވައްޓާލުމަށް އެކި ވާހަކަތައް ދައްކާނެ، އެކަމަކު ރާއްޖޭގައި އެންމެ އަމާނާތްތެރިކަމާއެކު ހިނގާ އެއް މުއައްސަސާއަކީ ޒަކާތާބެހޭ އިދާރާކަމާމެދު އަޅުގަނޑު ޝައްކުނުކުރަން." އެމަނިކުފާނު ވިދާޅުވި އެވެ.

މީގެ އިތުރުން ޒަކާތަށް ހޭލުންތެރިކުރުމަށް ޒަކާތު ހައުސްއިން ކުރިއަށް ގެންދާ މަސައްކަތްތަކާއެކު ފާއިތުވެދިޔަ އަހަރަކީ ރާއްޖޭގެ ތާރިހުގައިވެސް ޒަކާތުގެ ގޮތުގައި އެންމެ ގިނަ އަދަދަކަށް ފައިސާ ލިބުން އަހަރުކަން މިނިސްޓަރު ވަނީ ފާހަގަކުރައްވާފަ އެވެ.

ފާއިތުވެދިޔަ އަހަރު މުދަލު ޒަކާތުގެ ގޮތުގައި 100 މިލިއަނަށްވުރެ ގިނަ ރުފިޔާ ލިބިފައިވާކަން ފާހަގަކޮށްލެވެ އެވެ.

މިނިސްޓަރ ޝަހީމް