ލާމަރުކަޒީ ކޮމިޓިގެ މުގައްރިރު ކަމަށް މައްޗަންގޯޅި މެދު ދާއިރާގެ މެންބަރު އަހުމަދު ޒަމީރު ހަމަޖައްސައިފިއެވެ.

ލާމަރުކަޒީ ކޮމިޓިގެ މުގައްރިރު ކަމަށް ޒަމީރު އިންތިހާބުކޮށްފައި ވަނީ މިއަދު ބޭއްވި ކޮމިޓީތަކުގެ ފުރަތަމަ ބައްދަލުވުމުގައެވެ. މި މަގާމަށް ޒަމީރުގެ ނަން ހުށަހަޅުއްވާފައި ވަނީ ކޮލަމާފުށި ދާއިރާގެ މެންބަރު އިބްރާހިމް ދީދީއެވެ. އަދި އެ ހުށަހެޅުމަށް ހެންވޭރު އުތުރު ދާއިރާގެ މެންބަރު އަހުމަދު އައިފާން ވަނީ ތާއީދު ކުރައްވާފައެވެ.

އެ ކޮމިޓީގެ ނައިބު މުގައްރިރުގެ މަގާމަށް ޒަމީރު ވަނީ ވިލުފުށީ ދާއިރާގެ މެންބަރު ހަސަން ވަހީދުގެ ނަން ހުށަހަޅުއްވާފައެވެ. އަދި އެ ހުށަހެޅުމަށް ގެމަނަފުށީ ދާއިރާގެ މެންބަރު އަސަދުﷲ ޝިހާމް ވަނީ ތާއީދު ކުރައްވާފައެވެ.

އެ ދެ ބޭފުޅުން އިންތިހާބުވެ ވަޑައިގެންފައި ވަނީ ކޮމިޓީއަށް މި ވަގުތު ހާޒިރުވެވަޑައިގެން ތިއްބެވި މެންބަރުންގެ އިއްތިފާގުންނެވެ.

ލާމަރުކަޒީ ކޮމެޓީގެ މެންބަރުންނަކީ:

1. މައްޗަންގޯޅި މެދު ދާއިރާގެ ޕީއެންސީ މެންބަރު އަހުމަދު ޒަމީރު (މުގައްރިރު)

2. ވިލުފުށި ދާއިރާގެ ޕީއެންސީ މެންބަރު ހަސަން ވަހީދު (ނައިބު މުގައްރިރު)

3. ހެންވޭރު އުތުރު ދާއިރާ ޕީއެންސީ މެންބަރު އަހުމަދު އައިފާން

4. ގެމަނަފުށި ދާއިރާގެ ޕީއެންސީ މެންބަރު އަސަދުﷲ ޝިހާބް

5. ކޮލަމާފުށި ދާއިރާގެ ޕީއެންސީ މެންބަރު އިބްރާޙިމް ދީދީ

6. ނިލަންދޫ ދާއިރާގެ ޕީއެންސީ މެންބަރު ފާތުމަތު ސައުދާ

7. ކެޔޮދޫ ދާއިރާގެ އެމްޑީޕީ މެންބަރު މުހައްމަދު ނިއުޝާދު

8. އައްޑޫ މީދު ދާއިރާގެ އަމިއްލަ މެންބަރު އަބްދުއް ރަހްމާން

9. އުނގޫފާރު ދާއިރާގެ ޕީއެންސީ މެންބަރު އިބްރާހިމް ޝިފާޒު

10. ނައިފަރު ދާއިރާގެ ޕީއެންސީ މެންބަރު ޔާސީން އަބްދުﷲ

11. ބިލެއްދޫ ދާއިރާގެ ޕީއެންސީ މެންބަރު އަހުމަދު އަސްލަމް އެވެ.

ނިމިދިޔަ މަޖިލީހުގައި ލާމަރުކަޒީ ކޮމިޓީގައި ހިމެނިވަޑައިގަންނަވަނީ 9 މެންބަރުން ނަމަވެސް 20 ވަނަ ރައްޔިތުންގެ މަޖިލީހުގެ ފުރަތަމަ ޖަލްސާގައި އެ އަދަދު 11 އަށް ބަދަލުކޮށް ވަނީ ފާސްކޮށްފައެވެ.