ޑުރަގު މައްސަލައެއްގައި މަންމައާއި ދަރިފުޅު ހައްޔަރުކޮށްފި

ހދ. ހަނިމާދޫގައި މަސްތުވާތަކެތި ބޭނުންކޮށް، އޭގެ ވިޔަފާރި ކުރާ މައްސަލައެއްގައި އެ ރަށުން ދެމައިން ހައްޔަރުކޮށްފި އެވެ.

މިމަހުގެ 12 ވަނަ ދުވަހު ހަނިމާދޫ ޕޮލިސް ސްޓޭޝަނާއި ކައުންޓާ ނާކޮޓިކްސް އިންޓެލިޖެންސް ގުޅިގެން ހިންގި މި އޮޕަރޭޝަނުގައި ހައްޔަރުކޮށްފައި ވަނީ ހދ. ހަނިމާދޫ މަޔާ ޕެލަސް، އާމިނަތު، 56، އާއި ހަމަ އެގޭގެ ފާތިމަތު މާޔާ، 25، އެވެ.

ފުލުހުން ބުނީމި އޮޕަރޭޝަނުގައި، އެ ދެ މީހުން ހައްޔަރުކޮށް، އެ މީހުން ދިރިއުޅޭ ގެ ބަލައިފާސްކުރިއިރު މަސްތުވާތަކެތި ކަމަށް ބެލެވޭ ތަކެއްޗާއި ފައިސާ ފެނިފައިވާ ކަމަށެވެ.

ފެނުނު މަސްތުވާތަކެތީގެ ބަރުދަނަކީ 189.69 ގުރާމެވެ.

މިމައްސަލައާ ގުޅިގެން އެ މީހުންގެ ބަންދާމެދު ގޮތެއް ނިންމުމަށް ހަނިމާދޫ މެޖިސްޓްރޭޓް ކޯޓަށް ހާޒިރުކު ރުމުން އާމިނަތު ފަސް ދުވަހަށް އަދި ފާތިމަތު މާޔާ 15 ދުވަހަށް ބަންދު ކުރުމަށް އަމުރުކޮށްފައިވެ އެވެ.

"ދެލި" އަށް ކަށަވަރު ކުރެވިފައިވާ ގޮތުގައި މިއީ މަންމަ އާއި އަންހެން ދަރިފުޅެވެ.

މި މައްސަލަ ފުލުހުން ދަނީ ތަހުގީގުކުރަމުންނެވެ.