ސަލަފުން ރޯދަ މަހު ކުރިއަށް ގެންދާ ހަރަކާތްތަކަށް ފުރިހަމަ އެއްބާލުން ދޭނަން: ޝަހީމް

އިސްލާމިކް މިނިސްޓަރު ޑރ. ޝަހީމް އާ ސަލަފް ޖަމުއިއްޔާއިން ބައްދަލުކުރަނީ --

އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސައީދު، ޖަމުއިއްޔަތުއް ސަލަފްގެ އިސް ބޭފުޅުންނާ ބައްދަލު ކުރައްވައިފި އެވެ.

މިއަދު އިސްލާމީ ކަންތައްތަކާ ބެހޭ ވުޒާރާގައި ކުރިއަށް ދިޔަ މި ބައްދަލު ކުރެއްވުމުގައި އެ ތަނުގެ އިސްވެރިންނާއި ސަލަފްގެ ރައީސް ޝައިހު އަބްދުﷲ ބިން މުޙައްމަދު އިބްރާހިމް އާއި، އެ ޖަމުއިއްޔާގެ އިލްމުވެރީންގެ މަޖިލީހުގެ ރައީސް ޝައިހު އަހުމަދު ސަމީރުގެ އިތުރުން ޖަމުއިއްޔާގެ އިސް ބޭފުޅުން ވަނީ ބައިވެރިވެލައްވާފަ އެވެ.

މިއަދު މަޝްވަރާ ކޮށްފައި ވަނީ ފާއިތުވެދިޔަ، އަހަރު ތަކެކޭ އެއްގޮތަށް ރޯދަ މަހު އެ ޖަމުއިއްޔާއިން ކުރިއަށް ގެންދާ އެކި ހަރަކާތް ތަކުގައި މިނިސްޓްރީ އެހީތެރިކަން ފޯރުކޮށްދިނުމާއި ގުޅޭ ގޮތުންނެވެ.

އެގޮތުން، ރޯދަ މަހު އެ ޖަމުއިއްޔާއިން ކުރިއަށް ގެންދާ މިސްކިތު ދަރުސް ޕްރޮގުރާމް ތަކާއި، ރޯދަ މަހު މިސްކިތް ތަކުގައި ސުފުރާ އެޅުމާއި ގުޅޭ ގޮތުންނާ މިސްކިތުގައި އިއުތިކާފްއަށް ތިބުމާއި ގުޅޭ ގޮތުން ވަނީ މަޝްވަރާކޮށްފަ އެވެ.

މި ބައްދަލުކުރެއްވުމުގައި މިނިސްޓަރު ޝަހީމް ވަނީ، ސަލަފުން ރޯދަ މަހު ކުރިއަށް ގެންދާ ހަރަކާތް ތަކުގައި އެ މިނިސްޓްރީގެ ފަރާތުން ދޭން ޖެހޭ ފުރިހަމަ އެއްބާރުލުން ދެއްވާނެ ކަމުގެ ޔަގީންކަން އަރުވާފަ އެވެ.

މިނިސްޓަރ ޝަހީމް