އަލިފާނުގެ ހާދިސާ: މައި ފެންހޮޅިއަށް ގެއްލުންވެ 55 މީހަކު ވަގުތީ ހިޔާއަށް

ހައުސް ޕްލާޒާ ގޭގައި ރޯވި އަލިފާން ނިއްވުމުގެ މަސައްކަތުގައި އެމްއެންޑީއެފުން ހަރަކާތްތެރި ވަނީ

މިއަދު ހެނދުނު މ. ހައުސްޕްލާޒާ ގޭގައި ހިނގި އަލިފާނުގެ ހާދިސާއާ ގުޅުވައިގެން ދެ ގެއަކުން 55 މީހަކު ވަގުތީ ހިޔާއަށް ބަދަލުކޮށްފައިވާ ކަމަށް މޯލްޑިވްސް ނޭޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން މިއަދު ބުނެފި އެވެ.

އެންޑީއެމްއޭ އިން ބުނީ ހައުސް ޕްލާޒާގައި މިއަދު ހިނގި އަލިފާނުގެ ހާދިސާގެ ސަބަބުން ދެ ގެއެއްގެ މައި ފެންހޮޅިއަށް ގެއްލުން ތަކެއްވެފައިވާ ކަމަށެވެ.

އެހެންކަމުން އެކަން މަރާމާތު ކުރެވެންދެން އެ ދެ ގޭގެ 55 ފަރާތަކަށް ވަގުތީ ބޯހިޔާވަހިކަން ދީފައިވާ ކަމަށާއި މީގެ ތެރޭގައި 20 ބިދޭސީން ހިމެނޭ ކަމަށް ވެސް އެ އިދާރާއިން ބުންޏެވެ.

މި އަލިފާނުގެ ހާދިސާ ހިނގި ކަމުގެ މައުލޫމާތު އެމްއެންޑީއެފްއަށް ލިބުނީ ހެނދުނު 6:35 ހާއިރު އެވެ. އެ ހިދުމަތުން ކުރި މައްސައްކަތުން އަލިފާން އެއްކޮށް ނިއްވާލެވުނީ ގާތްގަނޑަކަށް 07:47 ހާއިރު އެވެ.

އެންޑީއެމްއޭ އަލިފާނުގެ ހާދިސާ