ޝަކީލް ނިޔާވުމަކީ ގައުމަށް ލިބުނު ފޫނުބެއްދޭނެ އުނިކަމެއް: ރައީސް

މަރުހޫމް ހަސަން ޝަކީލް --

މޯލްޑިވްސް މެރިން ރިސާޗް އިންސްޓްޓިއުޓް (އެމްއެމްއާރްއައި) އަށް 40 އަހަރަށް ވުރެ ގިނަ ދުވަސް ވަންދެން ހިދުމަތް ކުރައްވާފައިވާ ހަސަން ޝަކީލް ނިޔާވުމަކީ އެ ދާއިރާއިން ގައުމަށް ލިބުނު ފޫނުބެއްދޭނެ އުނިކަމެއް ކަމަށް ރައީސް ޑރ. މުޙައްމަދު މުއިއްޒު ވިދާޅުވެއްޖެ އެވެ.

ޝަކީލް ނިޔާވުމާ ގުޅުވައިގެން ރައީސް ސޯޝަލް މީޑިއާގައި ކުރެއްވި އެކްސް ޕޯސްޓެއްގައި ވިދާޅުވީ ޝަކީލަކީ މަސައްކަތް ކުރެއްވުމުގައި ހީވާގި، ހިތްވަރުފުޅު ގަދަ ބޭފުޅެއް ކަމަށެވެ.

"މަރްހޫމް މުޙައްމަދު ޝަކީލްގެ އާއިލާއަށް ކެތްތެރިކަން ދެއްވުން އެދި، ތައުޒިޔާ ދަންނަވަމެވެ. ސުވަރުގޭގެ ދާއިމީ ނިއުމަތާއި ރަހުމަތުގައި، މާތް الله މަރްހޫމު ޝަކީލުގެ ފުރާނަ ލައްވާށިއެވެ،" ރައީސްގެ ޕޯސްޓުގައިވެއެވެ.

އުމުރުން 64 އަހަރުގައި ޝަކީލް ވިޔާވިއިރު ހުންނެވީ މޯލްޑިވްސް މެރިން ރިސާޗް އިންސްޓްޓިއުޓް (އެމްއެމްއާރްއައި) ގެ ޑެޕިއުޓީ ޑިރެކްޓާ ޖެނެރަލްގެ މަގާމުގަ އެވެ.

ރައީސް ޑރ މުޢިއްޒު