ބައި-އިލެކްޝަން: ވެރިކަން ކުރާ ޕީއެންސީން ބޮޑު ކާމިޔާބީއެއް ހާސިލުކޮށްފި

މިއަދު ކުރިއަށް ގެންދިޔަ ލޯކަލް ކައުންސިލްތަކުގެ ބައި އިލެކްޝަން އަދި އަންހެނުންގެ ތަރައްގީއަށް މަސައްކަތް ކުރާ ކޮމިޓީތަކުގެ ބައި އިލެކްޝަންގައި ވެރިކަން ކުރާ ޕީޕަލްސް ނެޝަނަލް ކޮންގްރެސް އިން ބޮޑު ކާމިޔާބީއެއް ހާސިލުކޮށްފި އެވެ.

މިއަދުގެ ވޯޓުލުން ކުރިއަށް ގެންދިޔައީ ދެ ރަށެއްގެ ބައި އިލެކްޝްންއާއި 10 ރަށެއްގެ އަންހެނުންގެ ތަރައްގީއަށް މަސައްކަތް ކުރާ ކޮމިޓީ ތަކަށް މެންބަރުން ހޮވުމަށެވެ.

މި ބައިއިލެކްޝަންގެ ވަގުތީ ނަތީޖާ ދައްކާ ގޮތުން 12 ދާއިރާގެ ތެރެއިން ނުވަ ދާއިރާއެއްގެ ގޮނޑި ކާމިޔާބު ކުރީ ޕީއެންސީންނެވެ. އަދި އިދިކޮޅު އެމްޑީޕީން ދެ ގޮނޑި ނަގާފައިވާއިރު، އަނެއް ދެ ގޮނޑި ކާމިޔާބު ކުރީ އަމިއްލަ ގޮތުން ވާދަ ކުރި ކެންޑިޑޭޓުންނެވެ.

ޕީއެންސީން ގޮނޑި ކާމިޔާބު ކުރި ކެންޑިޑޭޓުންނަކީ އާތިފާ މޫސާ، ނ. ލަންދޫ، އައިޝަތު އީޝާ އަދި ޒުލްފާ އާދަމް، ރ. އިންނަމާދޫ، ފަހީމާ އަބްދުﷲ، ހދ. ހިރިމަރަދޫ، އާމިނަތު އަފްރާހު، ލ. ގަން، ނަޖުވާ ފާރޫގު، ބ. ގޮއިދޫ، އާއިޝަތު އަމާނީ އަބްދުލް ހާދީ، ނ. ފޮއްދޫ، ރުގިއްޔާ ރަޒީނާ، ތ. ބުރުނި، އަދި އާމިނަތު ޝިފާނާ، ގއ. ކަނޑުހުޅުދޫ އެވެ.

ބައިއިލެކްޝްންގައި އެމްޑީޕީން ގޮނޑި ކާމިޔާބު ކުރީ ހަދީޖާ އިބްރާހިމް، އދ. ހަންޏާމީދޫ، އަދި އާމިނަތު އަތުމާ، ނ. މިލަދޫ އެވެ.

އަމިއްލަގޮތުން ކުރިމަތިލައިގެން ގޮނޑި ކާމިޔާބު ކުރީ އިބްރާހިމް މުޙައްމަދު، ހދ. މަކުނުދޫ ކައުންސިލް، އާއި ފާތިމަތު ރިސާލާ، ރ. ހުޅުދެލި އެވެ.

އިލެކްޝަން ކޮމިޝަނުން ބުނިގޮތުގައި މިއަދުގެ އިންތިހާބުގައި ވޯޓު ލުމުގެ ހައްގު ލިބިގެންވާ 11،325 މީހުން ތިބިއިރު، މީގެ ތެރެއިން ވޯޓުލީ ޖުމުލަ 6،275 މީހުންނެވެ.