ބެލްޖިއަމްގެ އައު ބޮޑުވަޒީރަށް ރައީސް ތަހުނިޔާ ފޮނުއްފައިފި

ބެލްޖިއަމްގެ އައު ބޮޑުވަޒީރަށް ރައީސް މުއިއްޒު ވަނީ ތަހުނިޔާ ފޮނުއްވާފައި --

ބެލްޖިއަމްގެ އައު ބޮޑު ވަޒީރު، ބާޓް ޑެ ވޭވައަށް، ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ތަހުނިޔާ ފޮނުއްފައިފި އެވެ.

ބޮޑު ވަޒީރު ކަމުގެ މަގާމުގެ ހުވައި ކުރެއްވުމާ ގުޅިގެން، ބެލްޖިއަމްގެ އައު ބޮޑުވަޒީރަށް ރައީސް ފޮނުއްވި ތަހުނިޔާގެ ސިޓީގައި، ބޮޑުވަޒީރަށް ކާމިޔާބު ދައުރަކަށް އެދިވަޑައިގެން، ބެލްޖިއަމްގެ ރައްޔިތުންގެ އުންމީދުތައް ފުރިހަމަކޮށްދެއްވާނެ ކަމުގެ އިތުބާރާއި ޔަގީންކަން އެބަ އޮތް ކަމުގައި ވިދާޅުވެފައި ވެއެވެ.

ރައީސްގެ ސިޓީގައި ރާއްޖެއާއި ބެލްޖިއަމާ ދެމެދުގައި އޮތް ގާތް ގުޅުމުގެ މައްޗަށް ވެސް އަލިއަޅުއްވާލައްވާފައިވެ އެވެ. އަދި ދެ ގައުމުގެ ދެމެދުގައި އޮތް، ބައި ގަރުނެއްހާ ދުވަސްވީ އެކުވެރި ގުޅުމަކީ، ދެ ފަރާތުގެ މެދުގައި އޮތް އިހުތިރާމާއި، ހެޔޮ އެދުމުގެ މައްޗަށް ބިނާވެފައި އޮތް ގުޅުމެއް ކަމުގައި ސިފަ ކުރައްވާފައިވެ އެވެ.

މީގެ އިތުރުން ދެ ގައުމުގެ މެދުގައި މިހާރު އޮތް ގުޅުން އިތުރަށް ބަދަހިކުރެއްވުމަށާއި، ދޭދޭ މަސްލަހަތު ހިމެނޭ ބައިނަލްއަގުވާމީ ކަންކަމުގައި ގުޅިގެން މަސައްކަތް ކުރައްވާނެކަމުގެ ޔަގީންކަން ވެސް ބެލްޖިއަމްގެ އައު ބޮޑުވަޒީރަށް ރައީސް ދެއްވާފައިވެ އެވެ.

ރައީސް ޑރ މުޢިއްޒު