އިވަހަންދޫގައި ޕާސްޕޯޓު ހަދައިދިނުމުގެ ހިދުމަތް ފަށައިފި

އިހަވަންދޫގައި ޕާސްޕޯޓުގެ ހިދުމަތް ފެށުމުގެ ރަސްމިއްޔާތުގެ ތެރެއިން --

ހއ. އިހަވަންދޫގައި ވެސް އިމިގްރޭޝަނުން ދޭ ދިވެހި ޕާސްޕޯޓު ހެދުމުގެ ހިދުމަތް ރަސްމީކޮށް ފަށައިފި އެވެ.

އެ ރަށުގައި މިކަމަށް އިއްޔެ ބޭއްވި ހާއްސަ ރަސްމިއްޔާތެއްގައި މި ހިދުމަތް ރަސްމީކޮށް އިފްތިތާހުކޮށްދެއްވީ ހޯމް މިނިސްޓަރު ޢަލީ އިހުސާން އެވެ.

މި ރަސްމިއްޔާތުގައި ރައީސް ޑރ. މުޙައްމަދު މުއިއްޒު ބައިވެރިވެވަޑައިގެންނެވި އެވެ.

ރައީސް މުއިއްޒު އިހަވަންދޫއަށް ވަޑައިގެން އުޅުއްވަނީ ހއ. ގެ 10 ރަށަކަށް މިހާރު ކުރައްވަމުން ގެންދަވާ ދަތުރުގެ ތެރެއިންނެވެ.

ރައީސްގެ އިތުރުން މި ރަސްމިއްޔާތުގައި ކޮންޓްރޯލާ ޖެނެރަލް އޮފް އިމިގްރޭޝަން މުޙައްމަދު ޝަމްއާން ވަހީދު، ޑެޕިއުޓީ ކޮންޓްރޯލާ އަހުމަދު އަޝްފާން ވެސް ބައިވެރިވެލެއްވި އެވެ.

މާލެ ފިޔަވައި ރާއްޖޭގެ އެހެން ސަރަހައްދެއްގައި ޕާސްޕޯޓުގެ ހިދުމަތް ފުރަތަ ފެށީ ރައީސް ޔާމީންގެ ވެރިކަމުގައި 2014 ވަނަ އަހަރު އެވެ.

އިމިގްރޭޝަން އިހަވަންދޫ