ހުރާގައި ގަވާއިދާ ހިލާފަށް އުޅުނު 46 ބިދޭސީއަކު އަތުލައިފި

ހުރާގައި ގަވާއިދާ ހިލާފަން އުޅޭ ބިދޭސީން އަތުލަން އިމިގްރޭޝަނުން ހިންގި އޮޕަރޭޝަންގެ ތެރެއިން --

ކ. ހުރާގައި ގަވާއިދާ ހިލާފަށް އުޅެމުން އައި ބިދޭސީންތަކެއް އަތުލައިގެންފި އެވެ.

ރަށްރަށުގައި ގަވާއިދާ ހިލާފަށް އުޅޭ ބިދޭސީން ބަލައި ފާސްކުރުމަށް، އިއްޔެ ހެނދުނު 6:00 އިން ހަވީރު 5:00 އަށް ޓާސްކުފޯހުން ވަނީ ކ. ހުރާގައި ހާއްސަ ރެއިޑު އޮޕަރޭޝަނެއް ކުރިއަށް ގެންގޮސްފަ އެވެ.

މި އޮޕަރޭޝަންގައި، ހުރާގައި ގަވާއިދާ ހިލާފަށް އުޅެމުންދިއަ 46 ބިދޭސީއަކު އިމިގްރޭޝަންގެ ބެލުމުގެ ދަށަށް ގެނެސްފައިވާ ކަމަށް އެ އިދާރާއިން ކުރި އެކްސް ޕޯސްޓެއްގައި ބުންޏެވެ.

ރާއްޖޭގައި ރަސްމީ ޑޮކިއުމެންޓް ނެތި ގަވާއިދާ ހިލާފަށް މިހެން އުޅޭ ބިދޭސީންގެ މައްސަލަ ހައްލުކޮށް، މި އުނދަގުލުން ރައްޔިތުން ސަލާމަތް ކުރުމަށް ރައީސް މުއިއްޒުގެ އިރުޝާދުގެ ދަށުން އަންނަނީ ގިނަ މަސައްކަތްތަކެއް ކުރަމުންނެވެ.

މި މަސައްކަތުގެ ތެރެއިން ފުލުހުންނާއި އިމިގްރޭޝަން ގުޅިގެން ހިންގައި އޮޕްރޭޝަން ތަކުގައި ބިދޭސީން ދިރިއުޅޭ ތަންތަނުގެ އިތުރުން އެ މީހުން މަސައްކަތް ކުރާ ތަންތަން ވެސް އަންނަނީ ބަލައި ފާސް ކުރަމުންނެވެ.

އެގޮތުން ގަވައިދާ ހިލާފަށް އުޅެމުން ދިޔަ ބިދޭސީންގެ ތެރެއިން 5،000 އެއްހާ ބިދޭސީން މިދިޔަ އެއް އަހަރު ތެރޭ ޑީޕޯޓު ކޮށްފައިވެ އެވެ.

އިމިގްރޭޝަން ގަވާއިދާ ހިލާފަށް އުޅޭ ބިދޭސީން