ގައުމީ ޤުރުއާން މުބާރާތަށް ބަޖެޓުން ހަރަދު ކުރަން ރައީސް ނިންމައިފި

މިއަހަރުން ފެށިގެން ގައުމީ ޤުރުއާން މުބާރާތަށް ދައުލަތުން ހަރަދު ކުރަން ވަނީ ރައީސް ނިންމަވާފައި --

މި އަހަރުން ފެށިގެން ކީރިތި ޤުރުއާން ކިޔެވުމުގެ ގައުމީ މުބާރާތަކީ ސީދާ ދައުލަތުގެ ބަޖެޓުގައި ލިޔެވިގެން، ދައުލަތުގެ ބަޖެޓުން ހަރަދު ކޮށްގެން ހިންގައި މުބާރާތަކަށް ހެދުމަށް ރައީސް ޑރ. މުޙައްމަދު މުއިއްޒު ނިންމަވައިފި އެވެ.

ރައީސްގެ މި ނިންމެވުން އިއުލާން ކުރެއްވީ އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސައީދު އެވެ.

އެ ރަސްމިއްޔާތުގައި ވާހަކަފުޅު ދައްކަވަމުން ރައީސް ވިދާޅުވީ، މި އަހަރުން ފެށިގެން ކީރިތި ޤުރުއާން ކިޔެވުމުގެ ގައުމީ މުބާރާތަކީ އެންމެ ބޮޑެތި އިނާމުތައް ދީގެން އަދި އެންމެ އިނާމުތައް ގިނަ މުބާރާތް ކަމުގައި ހައްދަވާނެ ކަމަށެވެ.

މީގެ އިތުރުން މި އަހަރުން ފެށިގެން ކީރިތި ޤުރުއާން ހިތުދަސް ކުރާ ޙާފިޡުންގެ ދަސްވެނިވުމުގެ ރަސްމިއްޔާތުގެ ގޮތުގައި ވަކި ހާއްސަ ރަސްމިއްޔާތެއް ބޭއްވުމަށް ރައީސް ވަނީ ނިންމަވާފަ އެވެ.

މި ރަސްމިއްޔާތުގެ ތައްޔާރީތައް ވެސް އިސްލާމިކް މިނިސްޓްރީން މިހާރު އަންނަނީ ކުރަމުން ކަން ފާހަގަ ކޮށްލެވެ އެވެ.

ޤުރުއާން ކިޔެވުމުގެ ގައުމީ މުބާރާތަކީ ރާއްޖޭގައި ބޭއްވޭ އެންމެ ބޮޑު، އެންމެ ގިނަ ދަރިވަރުން ބައިވެރިވާ ޤުރުއާން މުބާރާތެވެ.

ޒަމާނުންސުރެ، ރާއްޖޭގެ އެކި ކަންކޮޅު ތަކުން ނުހަނު އިސްކަމެއް ދީގެން ދަރިވަރުން ތައްޔާރުކޮށް، މުބާރާތުގައި ބައިވެރި ކުރަމުން ދާއިރު މިއަދާ ހަމައަށް މި މުބާރާތް ބާއްވަމުން އައީ ތަނަވަސް އެކި ފަރާތް ތަކުން ދޭ ފައިސާއިން ބޮޑު ހަރަދެއް ކޮށްގެންނެވެ.

ރައީސް ޑރ މުޙައްމަދު މުޢިއްޒު