މުރައިދޫ ކައުންސިލްގެ ޝަކުވާތައް ރައީސް އައްސަވައިފި

ރައީސް ހއ. މުރައިދޫ ކައުންސިލާ ބައްދަލުކުރެއްވުން --

ރައީސް ޑރ. މުޙައްމަދު މުއިއްޒު، ހއ އޮތަޅަށް މިހާރު ކުރައްވަމުން ގެންދަވާ ދަތުރުފުޅުގައި މުރާދޫއަށް ވަޑައިގެން އެ ރަށު ކައުންސިލާއި އަންހެނުންގެ ތަރައްގީ އަށް މަސައްކަތް ކުރާ ކޮމެޓީއާ މުއައްސަސާ ތަކުގެ ވެރީންނާ މިއަދު ބައްދަލު ކުރައްވައިފި އެވެ.

މި ބައްދަލު ކުރެއްވުމުގައި މުރައިދޫ ކައުންސިލުން ވަނީ، ރަށުގެ ގިރާ ސަރަހައްދުގެ މައްސަލަ އާއި، ނެރާއި ބޭރު ތޮށްޓާއި ބަނދަރުގެ މައްސަލައިގެ ސަބަބުން ލަފާ ފުރުމަށް ދިމާވެފައިވާ މައްސަލަ އަށް އެދެވޭ ހައްލެއް ހޯދުމަށާއި، ރަށު ސްކޫލާއި ސިއްހީ މަރުކަޒުގެ ތަރައްގީ އަށް ބޭނުންވާ ކަންތައްތައް ހިއްސާ ކުރައްވާފަ އެވެ.

މީގެ އިތުރުން މުރައިދޫގެ މަގުތަކުގެ ހާލަތާއި، ކަރަންޓުގެ ހާލަތު ހިއްސާ ކުރައްވައި، ފުޓްސަލް ދަނޑެއް ބޭނުންވާ ކަން ކައުންސިލު މެންބަރުން ފާހަގަ ކުރެއްވި އެވެ.

ރައީސް ވަނީ މި ބައްދަލުކުރެއްވުމުގައި ބައިވެރިވެވަޑައިގެންނެވި ވަޒީރުން މެދުވެރި ކުރައްވައި ކައުންސިލުން ފާހަގަ ކުރެއްވި ކަން ކަމުގެ އެންމެ ފަހުގެ މައުލޫމާތުތައް ހިއްސާ ކުރައްވާފަ އެވެ.

ތައޫލީމީ ދާއިރާގެ ތަރައްގީއަށް ޓަކައި ކައުންސިލާއި ސުކޫލާއި އެޑިއުކޭޝަން މިނިސްޓްރީ ގުޅިގެން ތަރައްގީގެ ޕްލޭނެއް އެކުލަވާލައިގެން ރަށު ސުކޫލަށް ބޭނުންވާ ކަންކަން އެންމެ އިސްކަން ދޭ ތަރުތީބަކުން ބަހާލައިގެން ކޮށް ނިންމުމަށާއި ސިއްހީ މަރުކަޒަށް ބޭނުންވާ ކަންކަން ހައްލު ކުރުމަށް މަސައްކަތް ކޮށްދެއްވުމަށް ރައީސް އިރުޝާދު ދެއްވި އެވެ.

ރައީސް ޑރ މުޢިއްޒު