ފޭދޫ ފިނޮޅު ކައިރިން ހިނގި ލޯންޗު އެކްސިޑެންޓު: ދެ މީހަކަށް ދައުވާ ކުރަން ފޮނުވައިފި

ލޯންޗު އެކްސިޑެންޓުގައި ދައުވާ ކުރުމަށް ފޮނުވި ދެ މީހުން --

ކ. ފޭދޫފިނޮޅު ކައިރިން ދެ ލޯންޗު ޖެހިގެން ހިނގި އެކްސިޑެންޓުގައި މީހަކު މަރުވި މައްސަލައިގައި ދެ މީހެއްގެ މައްޗަށް ދައުވާކޮށްދިނުމަށް ޕްރޮސެކިއުޓާ ޖެނެރަލްގެ އޮފީހަށް ފޮނުވައިފި އެވެ.

މި ހާދިސާ ހިނގާފައިވަނީ މީގެ ދެ އަހަރު ކުރިން 2023 ވަނަ އަހަރުގެ އޭޕްރީލް 29 ވަނަ ދުވަހުގެ 16:42 ހާއިރު "ސަސް އީ ސްޕީޑް" ލޯންޗާއި "އެމްޑަބްލިޔުއެސްސީ މެރިން 2" ލޯންޗު ޖެހިގެންނެވެ.

މި މައްސަލާގައި ދައުވާ ކުރުމަށް ފުލުހުން ފޮނުވާފައި ވަނީ ކ. ކާށިދޫ، ހީނާވިލާ، ޔާނިސް ހަމީދު، 35، އަދި ހދ. ނޮޅިވަރަމް، ގްރީންހައުސް، މުޙައްމަދު ޖަމީލް، 43 އަށެވެ.

މި ދެ މީހުންނަކީ އެ ދުވަހު އެކްސިޑެންޓް ހިނގި ވަގުތު އެ ދެ ލޯންޗު ދުއްވަން ތިބި މީހުންނެވެ.

މި މައްސަލައިގެ ތަހުގީގު ނިންމައި އެ ދެ މީހުންގެ މައްޗަށް ޖިނާއީ ދައުވާކޮށްދިނުމަށް އެދި ޕީޖީ އޮފީހަށް އެންމެ ފުރަތަމަ މައްސަލަ ފޮނުވާފައި ވަނީ 2023 ޖޫން ހަތަރު ވަނަ ދުވަހު އެވެ. ނަމަވެސް މައްސަލަ އިސްލާހު ކުރުމަށް އަނބުރާ ފޮނުުވުމަށްފަހު ދެ ވަނަ ފަހަރަށް މައްސަލަ ޕީޖީ އޮފީހަށް ފޮނުވާފައި ވަނީ މި ޖެނުއަރީ މަހުގެ 15 ވަނަ ދުވަހު އެވެ.

ނުރައްކާތެރި މި އެކްސިޑެންޓްގައި މަރުވެފައި ވަނީ ކޮންސްޓްރަކްޝަން މަސައްކަތް ކުރާ ކުންފުންޏެއް ކަމަށްވާ ސަސް އީ ކޮންސްޓްރަކްޝަން ކުންފުނީގެ މެނޭޖިން ޑިރެކްޓަރު ސައުދުﷲ އަހުމަދު އެވެ.

އޭނާ މަރުބީ އެ އެކްސިޑެންޓުގައި ލިބުނު އަނިޔާތަކަށް އޭޑީކޭ ހޮސްޕިޓަލްގައި ފަރުވާދެމުން ދަނިކޮށް އެ ދުވަހުގެ 18:15ހާއިރު އެވެ.

ފުލުހުން