ސަސްޕެންޝަންގައި ހުރި ނިހާދު، ފިނޭންސް މިނިސްޓްރީގެ ސްޓޭޓް މިނިސްޓަރަކަށް

ފިނޭންސް މިނިސްޓްރީގެ ސްޓޭޓް މިނިސްޓަރު މުޙައްމަދު ނިހާދު --

ޕީއެންސީން ބޭއްވި ޖަލްސާއެއްގައި ދެއްކެވި ވާހަކަތަކަކާ ގުޅިގެން ސަސްޕެންޑްކޮށްފައި ހުރި ޓޫރިޒަމް މިނިސްޓްރީގެ ސްޓޭޓް މިނިސްޓަރު މުޙައްމަދު ނިހާދު ފިނޭންސް މިނިސްޓްރީގެ ސްޓޭޓް މިނިސްޓަރުގެ މަގާމަށް އައްޔަން ކޮށްފި އެވެ.

ނިހާދު، މި މަގާމަށް އައްޔަންކުރީ ވަނީ މިދިޔަ ބުރާސްފަތި ދުވަހު އެވެ.

ޕީއެންސީ ޖަގަހަ ޖަލްސާގައި ނިހާދު ވިދާޅުވެފައި ވަނީ ރާއްޖެ އަށް ދެ މިލިއަން ފަތުރުވެރީން އައުން ފާހަގަ ކުރުމަށް ތައްޔާރު ވަމުން އަންނަ ދަނޑިވަޅާދިމާކޮށް އިދިކޮޅު އެމްޑީޕީން އިސްނަގައިގެން ޓެރަރިސްޓް ހަމަލައެއް ދޭން އުޅޭ ކަމަށް ވިދާޅުވެ ވާހަކަދައްކަވާފަ އެވެ.

އެ މައްސަލާގައި ޓޫރިޒަމް މިނިސްޓްރީގެ ސްޓޭޓް މިނިސްޓަރުކަމުން ނިހާދު ސަސްޕެންޑްކުރީ މިދިޔަ ޑިސެމްބަރު މަހުގެ 24 ވަނަ ދުވަހު އެވެ.

ނިހާދުގެ އެ ވާހަކަތައް ދޮގުކޮށް، ޕީއެންސީން ބަޔާން ނެރެފައިވެއެވެ. އެ ބަޔާނުގައި ބުނީ، ރާއްޖޭގެ ޓޫރިޒަމަށާއި އިގުތިސާދަށް ގެއްލުންވާ ފަދަ އެއްވެސް ކަމެއް ސިޔާސީ ޕާޓީއަކުން ވެސް އަދި މަދަނީ ޖަމިއްޔާއަކުން ވެސް ކުރާނެ ކަމަށް ގަބޫލު ނުކުރާ ކަމަށެވެ.

ފިނޭންސް މިނިސްޓްރީ