މުޑުދާރުކޮށް ކާބޯތަކެތި ހަދައި ތަނެއް ރެއިޑްކޮށް 13 ބިދޭސީއަކު އަތުލައިފި

މުޑުދާރުކޮށް ކާބޯތަކެތި ތައްޔާރު ކުރަން ހުރި ބިދޭސީއެއް -- --

އިމިގްރޭޝަނުން ހިންގި އޮޕަރޭޝަނެއްގައި މުޑުދާރުކޮށް ކާބޯތަކެތި ހަދައި ތަނެއް ރެއިޑްކޮށް 13 ބިދޭސީއަކު އަތުލައިފި އެވެ.

މި މަހުގެ 23 ވަނަ ދުވަހު، ޓާސްކުފޯހުން މާލޭގައި ހިންގި ރެއިޑު އޮޕަރޭޝަނެއްގައި އާންމު ސިއްހަތަށް ނުރައްކާވާ ގޮތަށް ބިދޭސީން ދިރިއުޅެ، ވިޔަފާރި ކުރަމުންދިޔަ ތަނެއް ބަލައި ފާސްކޮށްފައިވާ ކަމަށް އިމިގްރޭޝަނުން ކުރި އެކްސް ޕޯސްޓެއްގައި ބުންޏެވެ.

އަދި ގަވާއިދާ ހިލާފަށް މި ތަނުގައި އުޅެމުންދިއަ 13 ބިދޭސީއަކު ވަނީ އިމިގްރޭޝަންގެ ބެލުމުގެ ދަށަށް ގެނެސްފައި ކަމަށް ވެސް ބުންޏެވެ.

އިމިގްރޭޝަނުން ހިއްސާކޮށްފައިވާ ވީޑިއޯގައި ފެންނަނީ ކުކިން އޮއިލް ހުސްކުރި ރީނދޫ ކުލައިގެ ހަންބުރިއަކަށް އޮލަ އެއްޗެއް އަޅާފައި ވަރަށް މުޑުދާރުކޮށް ހުރި ޓައިލްސް ތަކެއްގެ މަތީގައި މަތި ނުޖަހާ ބަހައްޓާފައިވާ މަންޒަރެވެ. އަދި އެ ތަނުގެ ތެރޭގައި ބުޅާ އުޅެނިކޮށް ވެސް ވީޑިއޯއިން ފެނެ އެވެ.

ޓާސްކު ފޯހުން ވަނީ އިއްޔެ އާއި މިއަދު މާލޭގައި ބިދޭސީން ދިރިއުޅެ، ވިޔަފާރި ކުރަމުންދިޔަ ތަނެއް ބަލައި ފާސްކޮށްފަ އެވެ.

މިތަނަކީ ވެސް އާންމު ސިއްހަތަށް ނުރައްކާވާ ގޮތަށް، ސާފުތާހިރު ކަމެއް ނެތި ބިދޭސީން އުޅެމުންދިޔަ ތަނެއް ކަމަށާއި އަދި މި ތަނުގައި ގަވާއިދާ ހިލާފަށް އުޅެމުންދިޔަ ފަސް ބިދޭސީއަކު އިމިގްރޭޝަންގެ ބެލުމުގެ ދަށަށް ގެނެވިފައި ކަމަށް އެ އިދާރާއިން ބުންޏެވެ.

އިމިގްރޭޝަން ގަވާއިދާ ހިލާފަށް އުޅޭ ބިދޭސީން