މީހަކަށް ތޫނު ހަތިޔާރުން ހަމަލާދިން ދެ މީހަކު ހައްޔަރުކޮށްފި

ތޫނު ހަތިޔާރުން މީހަކަށް ހަމަލާ ދިނުމުން ހައްޔަރު ކުރި ދެމީހުން --

މާލޭ ސިޓީގައި ދުއްވާފައި ދިޔަ ސައިކަލެއްގައި އިން މީހަކަށް ތޫނު އެއްޗަކުން ހަމަލާ ދިން ދެ މީހަކު ހައްޔަރުކޮށްފި އެވެ.

ފުލުހުން ބުނީ މި ޖެނުއަރީ މަހުގެ 15 ވަނަ ދުވަހުގެ ހެނދުނު 8:17ހާއިރު ރަތްވިލާ މަގުން ދުއްވާފައި ދިޔަ ސައިކަލެއްގައި އިން މީހަކަށް ބަޔަކު މީހުން ތޫނު އެއްޗަކުން ހަމަލާދީ ޒަހަމް ކޮށްލާފައިވާ މައްސަލައެއް ފުލުހުންގެ ގޭންގް ކްރައިމް އިންވެސްޓިގޭޝަނުން ތަހުގީގު ކުރަމުން އަންނަ ކަމަށެވެ.

މާރާމާރީއާ ގުޅުވައި ފުލުހުންގެ ހައްޔަރުގައި ތިބީ ހ. ރޯޒެންޑޭލް، ޒުފްރަތު، 29، އާއި ށ. ފޭދޫ، އުދަރެސް، އަލީ ނާޝިދު، 34،އެވެ.

މި މައްސަލައިގައި ހިމެނޭ ސަފްވާން ހައްޔަރުކޮށްފައި ވަނީ މިމަހުގެ 20 ވަނަ ދުވަހުގެ 21:19 ހާއިރު ކަމަށާއި އަދި އަލީ ނާޝިދު ހައްޔަރުކޮށްފައި ވަނީ މިމަހުގެ 21 ވަނަ ދުވަހުގެ 01:09 ހާއިރު ކަމަށް ފުލުހުން މައުލޫމާތު ދެއެވެ.

އެމީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން ފަސް ދުވަހަށް ބަންދު ކުރުމަށް ކޯޓުން ވަނީ އަމުރު ކޮށްފަ އެވެ.

ފުލުހުން މާރާމާރީ