ތޫނު ހަތިޔާރުން ބިރުދައްކައި ބިދޭސީއެއްގެ އަތުން ފޭރުނު ބަޔަކު ހައްޔަރުކޮށްފި

ތޫނު ހަތިޔާރު ބޭނުންކޮށްގެން ބިދޭސީއަކަށް ބިރުދައްކައި، އޭނާ އަތުން ފައިސާ ފޭރުނު ބަޔަކު ހައްޔަރުކޮށްފި އެވެ.

ފުލުހުން ބުނީ މި މައްސަ ފުލުހަށް ހުށަހެޅީ މިމަހުގެ 22 ވަނަ ދުވަހުގެ ރޭ 9:14 ހާއިރު ކަމަށެވެ.

މި މައްސަލަ ފުލުހަށް ހުށަހަޅާފައި ވަނީ މާލޭ ރަސްފަންނު ސަރަހައްދުގައި ޕެޓްރޯލް ކުރަން އުޅުނު ފުލުހުންނަށް ބަޔަކު ދުވެފައި ދާ ތަން ފެނުމުން އެ މީހުންގެ ފަހަތުން ދިޔަ މީހާއާ ސުވާލު ކުރުމުން ކަމަށް ފުލުހުން ބުނެ އެވެ.

ފުލުހުން ކުރި މައްސައްކަތުން ފޭރުނު މީހުން އަތުލައިގެނެވުނީ މާލޭ ނޯތް ހާބަރު ސަރަހައްދުންނެވެ.

ބިދޭސީ އަތުން އެމީހުން ފޭރިގަތް ފައިސާގެ ތެރޭގައި 1،000 ދިވެހި ރުފިޔާ، 10 ޔޫރޯ، 10 ބަންގުލަދޭޝް ޓާކާ، 20 ސްރީލަންކަން ރުޕީގެ އިތުރުން 500 އިންޑިއަން ރުޕީސް އަދި 2 ސިންގަޕޫރު ޑޮލަރުވެ އެވެ.

މި ފައިސާގެ ތެރެއިން 1،000 ދިވެހި ރުފިޔާއާއި 20 ސްރީލަންކަން ރުޕީ އަދި 2 ސިލްގަޕޫރު ޑޮލަރު ފުލުހުން މިހާތަނަށް ހޯދާފައިވެ އެވެ.

މި މައްސަލައިގައި ފުލުހުންގެ ބެލުމުގެ ދަށަށް ގެނެސްފައި ވަނީ ސ. ހިތަދޫ، އަޒާ، މުބާރިކު މުޙައްމަދު، 34، އާއި ފުވައްމުލަކު، ގުރަހާގެ، އަހުމަދު ފަޔާޒު، 30، އަދި ފުވައްމުލަކު، ކައިރުގެ، އަހުމަދު ނަދީފް، 36 އެވެ.

ފޭރުމުގެ މި މައްސަލަ ފުލުހުން އަންނަނީ ތަހުގީގު ކުރަމުންނެވެ.