ބޯޓު ބަނުމުގެ ދާއިރާއިން ކުރިއަށްދާން ބޭނުންވާ ދިވެހީންނަށް ލޯނު ނެގޭ ގޮތް ހަދަނީ

ރައީސް ޑރ. މުއިއްޒު ރ. އިންނަމާދޫގައި ވާހަކަފުޅު ދައްކަވަނީ --

ބޯޓު ބަނުމުގެ ދާއިރާއިން ކުރިއަށް ދިއުމަށް ބޭނުންވެފައި ތިބި ދިވެހީންނަށް ބޭންކިންގް ނިޒާމުގެ ތެރެއިން ލޯނު ނެގޭނެ އިންތިޒާމު ހަމަޖައްސަވައިދެއްވާނެ ކަމަށް ރައީސް ޑރ. މުޙައްމަދު މުއިއްޒު ވިދާޅުވެއްޖެ އެވެ.

ރ. އިންނަމާދޫއަށް ވަޑައިގެން، އެ ރަށުގެ ރައްޔިތުންނާ ބައްދަލުކުރައްވާ ވާހަކަފުޅުދައްކަވަމުން ރައީސް ވިދާޅުވީ ލުއި ގޮތެއްގައި، ރަހުނަކާ ނުލައި، ބޭންކިންގް ނިޒާމުގެ ތެރެއިން ލޯނު ނެގޭނެ އިންތިޒާމު ހަމަޖެހުމުން އިންޑަސްޓްރީ ފުޅާ ކުރުމަށް ފުރުސަތު ލިބޭނެ ކަމަށެވެ.

ރައީސް ވަނީ، މި ދާއިރާއިން ދިވެހި މަސައްކަތްތެރިން ބިނާކުރުމަށް ޓަކައި އިންނަމާދޫގައި ތަމްރީނުދޭ ހާއްސަ މަރުކަޒެއް ތަރައްގީ ކުރައްވަން ގަސްތު ކުރައްވާކަން ހާމަ ކުރައްވާފަ އެވެ.

މި ފުރުސަތު ފަހިވުމުން ބޯޓު ބަނުމުގެ ސިނާއަތަކީ ދިވެހީންނަށް ހާއްސަ، އަދި ހަމަ އެކަނި ދިވެހި މަސައްކަތްތެރީން ހަރަކާތްތެރިވާ ދާއިރާއަކަށްވެ، ތަމްރީނު ވެފައިވާ ދިވެހިން އިތުރުވެގެންދާ މަންޒަރު ދެކެވަޑައިގަންނަވަން ބޭނުންފުޅުވާކަމަށް ވިދާޅުވެ އެމަނިކުފާނު ވަނީ ސަރުކާރުގެ ފުރިހަމަ އެއްބާރުލުން އެކަމަށް ލިބިގެންދާނެ ކަމުގައި ވިދާޅުވެފަ އެވެ.

އަދި ބޯޓު ބިލްޑިންގް އިންޑަސްޓްރީ ސެކްޓާގައި ދިވެހީންނަށް ކުރިއަށްދިއުމުގެ މަގު ފަހިކޮށްދެއްވާނެ ކަމުގެ ޔަގީންކަން ރައީސުލްޖުމްހޫރިއްޔާ ވަނީ ތަކުރާރުކޮށް ދެއްވާފަ އެވެ.

ރައީސް ޑރ މުޢިއްޒު