ރ. އަދި ބ އަތޮޅުގައި ޖުލައިގެ ކުރިން އާރުޓީއެލްގެ ހިދުމަތް ފަށަނީ

އާރުޓީއެލް ފެރީ ލޯންޗުތަކެއް --

މި އަހަރުގެ ޖޫން މަސް ނިމުމުގެ ކުރިން ރ. އަދި ބ އަތޮޅުގައި އާރުޓީއެލްގެ ހިދުމަތް ފަށްޓާނެ ކަމަށް ރައީސް ޑރ. މުޙައްމަދު މުއިއްޒު ވިދާޅުވެއްޖެ އެވެ.

އެ މަނިކުފާނު މި ފަދައިން ވިދާޅުވީ، އުނގޫފާރަށް ވަޑައިގެން، އެ ރަށުގެ ރައްޔިތުންނާ ރޭ ބައްދަލުކުރައްވާ، ވާހަކަފުޅު ދައްކަވަމުންނެވެ.

ރައީސް ވިދާޅުވީ ޖޫން މަސް ނިމުމުގެ ކުރިން ރ. އަތޮޅުގައި އަދި ޖުލައި މަސް ނިމުމުގެ ކުރިން ބ. އަތޮޅުގައި އާރުޓީއެލްގެ ހިދުމަތް ފައްޓާނެ ކަމަށެވެ.

އުނގޫފާރު އާބަން ސެންޓަރެއްގެ ގޮތުގައި ތަރައްގީ ކުރުމަށް ސަރުކާރުން ކުރަމުން އަންނަ މަސައްކަތްތައް ވެސް ރައީސްގެ ވާހަކަފުޅުގައި ވަނީ ހިއްސާ ކުރައްވާފަ އެވެ.

އެގޮތުން މެދު އަދި ދުރު ރާސްތާ ވިސްނުންފުޅުގެ ތަރައްގީގެ މާސްޓާ ޕްލޭންގެ މަސައްކަތްތައް ކުރެވެމުން ދާއިރު، ހުރިހާ ދާއިރާ އަކުން އެންމެ މަތީ ފަންތީގައި ހިދުމަތް ލިބޭ ރަށަކަށް އުނގޫފާރު ވެގެންދާނެ ކަމުގެ އުންމީދު، އެމަނިކުފާނު ވަނީ އެ ރަށުގެ ރައްޔިތުންނަށް ދެއްވާފަ އެވެ.

މޫސުމީ ގޮތުން ފުރުސަތު ފަހިވުމާއެކު އުނގޫފާރުގެ ބިން ހިއްކުމުގެ މަސައްކަތްތައް، ވައުދުވެވަޑައިގެންފައި ވާ ގޮތަށް ފުރިހަމަކޮށް ނިންމަވައިދެއްވާނެ ކަމުގެ ޔަގީންކަން، ރަށުގެ ރައްޔިތުންނަށް ރައީސް ދެއްވި އެވެ.

އާރުޓީއެލް ރައީސް ޑރ މުޢިއްޒު