މި ދައުރު ނިމުމުގެ ކުރިން އުނގޫފާރުގައި 500 ހައުސިން ޔުނިޓު އަޅައިދޭނަން: ރައީސް

ރައީސް މުއިއްޒު އުނގޫފާރުގައި ވާހަކަފުޅު ދައްކަވަނީ --

މި ދައުރު ނިމުމުގެ ކުރިން ރ. އުނގޫފާރުގައި 500 ހައުސިންގް ޔުނިޓު އަޅައިދޭން ކަމަށް ރައީސް ޑރ. މުޙައްމަދު މުއިއްޒު ވިދާޅުވި އެވެ.

އެމަނިކުފާނު މިހެން ވިދާޅުވީ، ރ. އުނގޫފާރަށް ވަޑައިގެން، އެ ރަށުގެ ރައްޔިތުންނާ ރޭ ބައްދަލުކުރައްވާ، ވާހަކަފުޅު ދައްކަވަމުންނެވެ.

ރައީސްގެ ވާހަކަފުޅުގައި ވަނީ ގޮންޖެހުންތަކާ ކުރިމަތިވި ކަމުގައި ވީ ނަމަވެސް، މޫސުމީ ގޮތުން ފުރުސަތު ފަހިވުމާއެކު އުނގޫފާރުގެ ބިން ހިއްކުމުގެ މަސައްކަތްތައް، ވައުދުވެވަޑައިގެންފައި ވާ ގޮތަށް ފުރިހަމަކޮށް ނިންމަވައިދެއްވާނެ ކަމުގެ ޔަގީންކަން، އެ ރަށުގެ ރައްޔިތުންނަށް ދެއްވާފަ އެވެ.

"ވެރިކަމުގެ މި ދައުރުގައި، އުނގޫފާރުގައި 500 ހައުސިންގް ޔުނިޓްގެ މަސައްކަތްކޮށްދޭނަން،" ރައީސް ވިދާޅުވި އެވެ.

އުނގޫފާރު އާބަން ސެންޓަރެއްގެ ގޮތުގައި ތަރައްގީ ކުރުމަށް މި ސަރުކާރުން ކުރަމުން އަންނަ މަސައްކަތްތައް ވެސް ރައީސްގެ ވާހަކަފުޅުގައި ވަނީ ހިއްސާ ކުރައްވާފަ އެވެ.

ރައީސް ޑރ މުޙައްމަދު މުޢިއްޒު