ވެމްކޯއަށް 15 ވެށިފާރަވެރީން ހޯދަނީ

--ވެމްކޯ މުވައްޒަފުން ކުނި އުކުމުގައި

ވޭސްޓް މެނޭޖްމަންޓް ކޯޕަރޭޝަން (ވެމްކޯ)އަށް 15 ދިވެހި ވެށިފާރަވެރިން ހޯދަން އިއުލާނު ކޮށްފި އެވެ.

ވެމްކޯއިން ކުރި އިއުލާނެއްގައި ބުނެފައިވާ ގޮތުގައި މި ވަޒީފާ ތަކަށް މީހުން ނަގަން ހަމަޖެހިފައި ވަނީ ހުޅުމާލޭ އޮޕަރޭޝަނަށެވެ.

މިވަޒީފާ ތަކަށް ކުރިމަތި ލެވޭނީ ޖެނުއަރީ 21 ވަނަ ދުވަހުގެ 12:00ގެ ކުރިންނެވެ.

ވެށިފާރަވެރި އަކަށް ވުމަށް ހުށަހަޅާއިރު، ވަޒީފާއަށް އެދޭ ފޯމުގެ އިތުރުން ހުށަހަޅަން ޖެހޭނީ ދިވެހި ރައްޔިތެއްކަން އަންގައިދޭ ކާޑުގެ ކޮޕީއާއި ތިން މަސް ހަމަނުވާ ޕޮލިސް ރިޕޯޓެވެ.

ފަޒީފާއަށް އެދޭ ފަރާތް ތަކުގައި ހުންނަންޖެހޭ ޝަތުރު ތަކުގެ ތެރޭގައި ދިވެހި ރައްޔިތެއް ކަމުގައިވުމާއި އަމިއްލައަށް އިސް ނަގައިގެން މަސައްކަތް ކުރެވޭނެ ފަރާތެއް ކަމުގައިވުމާ އަދި މަގާމުގެ މަސްއޫލިއްޔަތު އަދާ ކުރެވޭ ފަދަ ސިއްހަތެއްގައި ހުރި މީހަކު ކަމުގައި ވާން ޖެހެ އެވެ.

މި ވަޒީފާގެ އަސާސީ މުސާރަ އަކީ ކޮންމެ މަހަކު 9،000 ރުފިޔާ އެވެ. އަދި ކޯޕަރޭޓް ހެލްތް އިންޝުއަރެންސް ހަމަޖެހޭނެ އެވެ.

ވެމްކޯ