ވައްކަމުގެ މީހަކާއި ޑުރަގު މީހެއް ތަހުގީގަށް ހާޒިރުވާން އަންގައިފި

ފުލުހުންގެ ތަހުގީގަށް ހޯދަމުން އަންނަ އިސްމާއީލް އަހުމަދު (ކ) އަދި މުޙައްމަދު ޝައިހާން (ވ) —

ފުލުހުންގެ ޑުރަގު އެންފޯސްމެންޓުން ތަހުގީގު ކުރާ މައްސަލަ އަކާއި ގއ. ދާންދޫ ޕޮލިސް ސްޓޭޝަނުުން ތަހުގީގު ކުރަމުންދާ ވައްކަމުގެ މައްސަލައެއްގެ ތަހުގީގަށް ހާޒިރު ކުރެވިފައިނުވާ ދެ މީހަކު، ހޯދަމުންދާ ކަމަށް ފުލުހުން މިއަދު ބުނެފި އެވެ.

އެގޮތުން ޑުރަގު މައްސަލައިގެ ތަހުގީގަށް ހޯދަނީ ހ. ގާޑަންބިޔުޓީ، މުޙައްމަދު ޝައިހާން، 25، އެވެ.

ފުލުހުން ބުނި ގޮތުގައި އޭނާ ތަހުގީގަށް ހާޒިރު ކުރަނީ ޑުރަގު އެންފޯސްމަންޓުން ތަހުގީގު ކުރަމުންދާ މައްސަލައަކާ ގުޅިގެންނެވެ.

މި މައްސަލައިގެ ތަހުގީގަށް ސުވާލު ކުރުމަށް މި މަހުގެ 28 ވަނަ ދުވަހުގެ މެންދުރުފަހު 2:00 އަށް މުޙައްމަދު ޝައިހާން، ސާޖަންޓް އާދަމް ހަލީމް ކްރިމިނަލް އިންވެސްޓިގޭޝަން ބިލްޑިންގަށް ހާޒިރުވުމަށް ވަނީ އަންގާފަ އެވެ.

ދާންދޫ ޕޮލިސް ސްޓޭޝަނުުން ތަހުގީގު ކުރަމުންދާ ވައްކަމުގެ މައްސަލައިގެ ތަހުގީގަށް ހޯދަނީ ގއ. ދާންދޫ، ސޯސަންގެ އިސްމާއީލް އަހުމަދު، 37، އެވެ.

ވައްކަމުގެ މި މައްސަލައިގެ ތަހުގީގަށް މިމަހުގެ 23 ވަނަ ދުވަހުގެ 11:00އަށް އިސްމާއީލް އަހުމަދު، ސާޖަންޓް އާދަމް ހަލީމް ކްރައިމް އިންވެސްޓިގޭޝަން ބިލްޑިންގު ނުވަތަ އެންމެ ކައިރީގައިވާ ފުލުހުންގެ މަރުކަޒަކަށް ހާޒިރުވުމަށް އަންގާފައިވެ އެވެ.

ފުލުހުން ޑުރަގު