އެމްއެންޑީއެފާ އެމެރިކާގެ އަސްކަރިއްޔާ ގުޅިގެން ތަމްރީނެއް ފަށައިފި

އެމްއެންޑީއެފާ އެމެރިކާގެ އަސްކަރިއްޔާ ގުޅިގެން ފެށި ތަމްރީނުގެ ބައިވެރިން -

"އެކްސަސައިޒް ފްލޭޝް މެޓަލް 2025–7006" މިއަދު ފަށައިފި އެވެ.

މި އެކްސަސައިޒް ފެށުމުގެ ގޮތުން ގިރިފުށި ޓްރެއިނިން ސެންޓަރުގައި ބޭއްވި ރަސްމިއްޔާތު ޝަރަފުވެރިކޮށްދެއްވީ، އެމްއެންޑީއެފް ސްޕެޝަލް ފޯސަސްގެ ޑެޕިއުޓީ ކޮމާންޑިން އޮފިސަރު، މޭޖާ މޫސާ ނިޔާޒު އެވެ.

އެމެރިކާގެ އަސްކަރިއްޔާއާ ގުޅިގެން އެމްއެންޑީއެފުން ކުރިއަށްގެންދާ މި އެކްސަސައިޒް ކުރިއަށްދާނީ މިއަދުން ފެށިގެން އެއް މަސްދުވަހުގެ މުއްދަތަށް ގިރިފުށްޓާއި، އެމްއެންޑީއެފް ސެންޓްރަލް އޭރިއާ ކޮމާންޑް ނިސްބަތްވާ ލ .އަތޮޅުގެ ބައެއް ރަށްތަކުގެ އެއްގަމާއި ކަނޑުގެ ސަރަހައްދުތަކުގަ އެވެ.

އެގޮތުން މި އެކްސަސައިޒްގައި، އެމްއެންޑީއެފް ކޯސްޓްގާޑުގެ ސްޕެޝަލް ބޯޓް ސްކޮޑްރަންއާއި، އެމްއެންޑީއެފް ސްޕެޝަލް ފޯސަސްގެ މެންބަރުންނާއި، އެމްއެންޑީއެފް މެރިންސް ބައިވެރިވެ އެވެ.

މި އެކްސަސައިޒްގައި މުދައްރިބުންގެ ގޮތުގައި ހަރަކާތްތެރިވަނީ، އެމެރިކާ އަސްކަރިއްޔާގެ ސިފައިންނެވެ.

ގިރިފުއްޓާއި ލ. އަތޮޅުގައި ކުރިއަށް ގެންދާ މި އެކްސަސައިޒަކީ، އެމްއެންޑީއެފްގެ ގާބިލުކަން އިތުރުކުރުމުގެ ގޮތުން، އެމެރިކާ ސިފައިންނާ ގުޅިގެން ސިލްސިލާކޮށް ބާއްވަމުންދާ އެކްސަސައިޒް ތަކުގެ ތެރެއިން ކުރިއަށްގެންދާ އެކްސަސައިޒެކެވެ.

އެމްއެންޑީއެފް އެމެރިކާ