އެމްޑީޕީގެ އެކްޓިވިސްޓަކު ޕީއެންސީއާ ގުޅިއްޖެ

އެމްޑީޕީގެ އެކްޓިވިސްޓް އަހުމަދު ރަޝީދު (ދޮންކޮޅު) ޕީއެންސީއަށް ސޮއި ކުރި ފޯމް ރައީސް މުއިއްޒަށް އެރުވުމަށް މިރޭ ބޭއްވި ހަފްލާގެ ތެރެއިން --

އިދިކޮޅު އެމްޑީޕީގެ އެކްޓިވިސްޓް އަހުމަދު ރަޝީދު (ދޮންކޮޅު) ސަރުކާރު ހިންގާ ޕީއެންސީއަށް އަށް ސޮއިކޮށްފި ފި އެވެ.

އޭނާ ޕީއެންސީއަށް ސޮއިކުރިކަން ހާމަކުރެއްވީ ރައީސް މުއިއްޒު އެކްސްގައި ކުރެއްވި ޕޯސްޓެއްގަ އެވެ.

މުލީއާގޭގައި މިރޭ ބޭއްވި ރަސްމިއްޔާތެއްގައި ޕީއެންސީއަށް ސޮއި ކުރުމަށްފަހު ދޮންކޮޅު ވަނީ ރައީސް ޑރ. މުއިއްޒާ ފޯމް ހަވާލުކޮށްފަ އެވެ.

އޭނާ ސޮއިކުރުމުގެ ރަސްމިއްޔާތުގައި ރައްޔިތުންގެ މަޖިލިސް ރައީސް އަބްދުއްރަހީމް އަބްދުﷲ އާއި ޕީއެންސީގެ ޕީޖީ ލީޑަރު އަދި އިނގުރައިދޫ ދާއިރާގެ މެންބަރު އިބްރާހިމް ފަލާހު އާއި ތިނަދޫ އުތުރު ދާއިރާގެ މެމްބަރު ސައުދުﷲ ހިލްމީ ވެސް ބައިވެރިވެވަޑައިގަތެވެ.

ދާދިފަހުން އެކްސްގައި ކުރި ޕޯސްޓެއްގައި ދޮންކޮޅު ބުނެފައި ވަނީ ޑިމޮކްރެޓްސްގެ އިސް ބޭފުޅުންތަކެއް އަލުން އެމްޑީޕީއަށް ގެނެސް އެ މީހުންނަށް ސިޔާސީ ބާރުވެރިކަން ހޯދައިދިނުމަށްވުރެ، ރައީސް މުއިއްޒާއެކު ދިޔަޔަސް މާ ރަނގަޅުވާނެ ކަމަށެވެ.

ދޮންކޮޅު އަކީ މީގެ ކުރިން ސޯޝަލް މީޑިއާގައި މި ސަރުކާރަށް ވަރަށް ބޮޑަށް ފާޑުކިޔާ މީހެކެވެ.

ޕީއެންސީ