އެފްއޭ ކަޕްގެ ތިން ވަނަ ބުރުގައި ސިޓީ، ޗެލްސީ އަދި ލިވަޕޫލް ތަފާތު ބޮޑު މޮޅަކާއި އެކު އަނެއްބުރަށް

ސިޓީގެ ޒުވާންކުޅުންތެރިން ވަނީ މޮޅު ކުޅުމެއް ދައްކާފައި

އިނގިރޭސި އެފްއޭ ކަޕްގެ ތިން ވަނަ ބުރުގައި މެންޗެސްޓާ ސިޓީ، ޗެލްސީ އަދި ލިވަޕޫލް ވ ތަފާތު ބޮޑު ނަތީޖާތަކާއި އެކު މުބާރާތުގެ އަނެއް ބުރަށް ދަތުރުކޮށްފައެވެ.

މި ތިން ޓީމުން ވެސް ވަނީ ތިން ވަނަ ޑިވިޝަނުގެ ޓީމުތަކާ ކުރިމަތިލައި، ފަސޭހަ މޮޅުތަކެއް ހޯދާފައެވެ.

މެންޗެސްޓާ ސިޓީން ވަނީ ސަލްފޯޑް އަތުން 8-0 އިން މޮޅުވެފައެވެ. މިއީ ސިޓީން 2019 ވަނަ އަހަރަށް ފަހު މުބާރާތެއްގައި ހޯދި އެންމެ ބޮޑު މޮޅެވެ. މި މެޗުގައި ސިޓީގެ ޖޭމްސް މެކްއަޓީ ހެޓްރިކެއް ހަދައިފައިވާއިރު، ޖެރެމީ ޑޮކޫ ދެ ގޯލު ޖަހައިފައިވެއެވެ.

ލިވަޕޫލުން އެކްރިންޓަން ސްޓޭންލީ އަތުން 4-0 އިން މޮޅުވެފައިވާއިރު، ޗެލްސީން މޯކޭމްބް އަތުން 5-0 އިން މޮޅުވެފައިވެއެވެ. ލިވަޕޫލްގެ މެޗުގައި ޑިއޯގޯ ޖޮޓާ، ޓްރެންޓް އަލެކްސަންޑަ އާނޯލްޑް، ޖޭޑަން ޑޭންސް އަދި ފެޑެރީކޯ ކިއޭޒާ ލަނޑު ޖަހައިފައިވެއެވެ.

ޗެލްސީގެ މެޗުގައި ސްޓެފަން އެންކުންކޫ، ޖޮއާއޯ ފެލިކްސް އަދި ޓޮސިން އަޑަރާބިއޯޔޯ ލަނޑު ޖަހައިފައިވެއެވެ. މި މެޗުގައި ޖޮއާއޯ ފެލިކްސް ދެ މިނިޓް ތެރޭގައި ދެ ލަނޑު ޖަހައި، ރަނގަޅު ކުޅުމެއް ދައްކައިފައިވެއެވެ.

އިނގިރޭސި އެފްއޭ ކަޕް