މުޖުތަމައުގައި އެންޖީއޯ ތަކުން އަދާ ކުރަނީ މުހިއްމު ދައުރެއް: މެޑަމް ސާޖިދާ

ދައުލަތުގެ އިދާރާތަކާއި މުއައްސަސާ ތަކަށް ވާސިލު ނުވެވި ތިބޭ ފަރާތްތަކާ ހަމަޔަށް ވާސިލުކޮށް ދިނުމުގައި އެންމެ ބޮޑު ދައުރެއް އަދާކުރެ ވޭނީ އެންޖީއޯ ތަކަށް ކަމަށް ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުޙައްމަދު ވިދާޅުވެއްޖެ އެވެ.

ވިލާ ކޮލެޖްގެ ކިއު އައި ކެމްޕަހުގައި މިއަދު ބޭއްވި މަމްސް އެއިޑްގެ ހަ ވަނަ އަހަރީ ގާލާ އެންޑް ފަންޑްރައިސިންގް ހަފްލާ ޝަރަފުވެރިކޮށްދެއްވައި ދެއްކެވި ވާހަކަފުޅުގެ ތެރެއިން މުޖްތަމައުގައި ވަރަށް މުހިންމު ދައުރެއް އެންޖީއޯތައް އަދާކުރާ ކަމުގައި މެޑަމް ސާޖިދާ ފާހަގަ ކުރެއްވި އެވެ.

މެޑަމް ސާޖިދާގެ ވާހަކަފުޅުގައި، އަންހެނުންނަށް ކުރާ އަނިޔާތަކާއި، ކުރިމަތިވާ ގޮންޖެހުންތަކުން ސަލާމަތްކޮށްދީ، އަންހެނުން ބާރުވެރި ކުރުވުމުގެ ވާހަކަ ދައްކާއިރު، އަމަލީ ގޮތުން މިކަން ހާސިލްކުރެވޭނީ މިފަދަ އެންޖީއޯ ތަކަށް މުޖްތަމައުގައި ދެވޭ މަގާމާއި ހަައިސިއްޔަތު ވަރުގަދަ ކޮށްގެން ކަމުގައި ވިދާޅުވި އެވެ.

މި ހަފްލާގައި، މަމްސް އެއިޑު އުފެދި، މި ވޭތުވެދިޔަ ހަ އަހަރު ދުވަހުގެ ތެރޭ ޖަމިއްޔާއިން ކުރި މުހިންމު މަސައްކަތް ތަކުގެ ވީޑިއޯ ޕްރެޒެންޓޭޝަނެއް ދައްކާފައިވެ އެވެ. އަދި މަމްސް އެއިޑަށް އެކި ގޮތް ގޮތުން އެހީތެރިވެދޭ ސްޕޮންސަރުންނާއި ޕާޓްނަރުންގެ އަގުވަޒަންކުރި އެވެ.

މި ފެށުނު 2015 ވަނަ އަހަރުގެ މުހިންމު ހަރަކާތެއްގެ ގޮތުގައި، "ފަންޑް ރެއިޒާ ފޯ ހޯޕް ފޯ މަމްސް ކެމްޕެއިން" ވެސް މި ހަފްލާގަައި އިފްތިތާހު ކުރި އެވެ. އަދި މަމްސް އެއިޑުން މިއަހަރަށް ކަނޑައެޅި "2025 އިމްޕެކްޓް ޕާޓްނަރުން" ވެސް އިއުލާނު ކުރި އެވެ.

މަމްސް އެއިޑަށް ކޮށްދިން ހިދުމަތް ފާހަގަކޮށް، އެ ޖަމްއިއްޔާގެ ފަސް މެންބަރަކަށް މި ހަފްލާގަައި ދިން ހަނދާނީ ފިލާ އެ ފަރާތްތަކާ ހަވާލުކޮށް ދެއްވީވެސް ރައީސްގެ އަނބިކަނބަލުންނެވެ.