އެސްޓީއޯ ރަމަޒާން ބާޒާރު، 100،000 ރުފިޔާގެ ނަސީބުވެރި އިނާމަކާއެކު ފަށައިފި

ރޯދަ މަހަށް ހާއްސަކޮށް އެސްޓިއޯއިން ކޮންމެ އަހަރަކުވެސް ބައްވާ "ރަމަޒާން ބާޒާރު" ޕްރޮމޯޝަން މިއަހަރުވެސް ބޮޑެތި އިނާމުތަކާއި އަދި ހަރަކާތްތަކަކާއެކު ފަށައިފި އެވެ.

ތަފާތު ގިނަ ޕްރޮމޯޝަން ހަރަކާތް ތަކާއި އިނާމުތަކެއް ލިބޭ މި ބާޒާރު ރެއިން ފަށައިގެން މާޗު 31ގެ ނިޔަލަށް ކުރިއަށް ދާނެ އެވެ.

އެސްޓީއޯ ރަމަޒާން ބަޒާރަކީ ވިޔަފާރި ކުރާ ފަރާތް ތަކުގެ ތެރޭގައި އެންމެ މަގުބޫލް އެއް ސޭލެވެ.

އެހެން އަހަރު ތަކެކޭ ވެސް އެއްގޮތަށް މި އަހަރުގެ އެސްޓީއޯ ރަމަޒާން ބަޒާރުގައި ވެސް ހިތްގައިމު ގިނަ ޑިސްކައުންޓް ތަކެއް އެސްޓީއޯ ޕީޕަލްސް ޗޮއިސް އަދި އެސްޓީއޯ އަތޮޅުތެރޭގެ ޕީޕަލްސް ޗޮއިސްގެ ފިހާރަ ތަކުން ކަސްޓަމަރުންނަށް ލިބޭނެ ކަމަަށް އެސްޓީއޯ އިން ބުނެ އެެވެ.

މި އަހަރުގެ ރަމަޒާން ބާޒާރުގައި %50 އާ ހަމައަށް ހޯމްއެޕްލަޔަންސް އައިޓަމް ތަކުން ޑިސްކައުންޓް ލިބޭނެ އެވެ. އަދި 500 ރުފިޔާ އިން މަތިން ކުރައްވާ ކޮންމެ ވިޔަފާރިއަކަށް ކޫޕަންއެއް ލިބޭއިރު, ކޮންމެ ހަފްތާއަކު ނަސީބުވެރި ފަރާތަކަށް ހަދިޔާއެއްގެ ގޮތުން ގިފްޓް ހެމްޕަރެެއް ދިނުމަށް ވެސް ވަނީ ހަމަޖެހިފަ އެވެ.

ރަމަޒާން ބާޒާރު 2025ގެ އެންމެ ހާއްސަ ގްރޭންޑް ޕްރައިޒެއްގެ ގޮތުގައި ޕްރޮމޯޝަން ނިމުމުން ގުރުއަތުން ހޮވޭ ނަސީބުވެރި އެއް ފަރާތަކަށް 100،000 ރުފިޔާގެ ފައިސާގެ އިނާމް ކަނޑައަޅާފައިވެ އެވެ.

އޭގެ އިތުރުން މި ޕްރޮމޯޝަން ކުރިއަށްދާއިރު އާއިލީ ހަވީރަކާއި އިންސްޓޯރު ހަރަކާތްތައް ވެސް ކުރިއަށް ގެންދިއުމަށް ހަމަޖެހިފައިވާ ކަމަށް އެސްޓީއޯއިން މައުލޫމާތު ދެއެވެ.