ޒިބްރާ ކްރޮސްއަށް މަޑުނުކޮށް ދިޔަ ކާރަކުން މީހެއްގެ ގައިގައި ޖެހި އަނިޔާ ވެއްޖެ

ކަފިހި ކައިރީ މަގު ހުރަސް ކުރަން ބަޔަކު މަޑުކޮށްލައިގެން -- ފޮޓޯ ކްރިޑިޓް/ ސަން

ހުޅުމާލޭގެ ނިރޮޅުމަގުން ބާރު ސުޕީޑުގައި ދުއްވާފައި ދިޔަ ކާރެއް މަތަނުވެ ގޮސް މަގު ހުރަސްކުރި އަންހެނެއްގެ ގައިގައި ޖެހި އެކްސިޑެންޓެއް ހިނގައިފި އެވެ.

ފުލުހުން ބުނީ މިއެކްސިޑެންޓުގެ މައްސަލަ ރިޕޯޓު ކުރީ މިއަދު ހަވީރު 5:05ހާއިރު ކަމަށެވެ. އަދި އެމީހާ ޑޮކްޓަރަށް ދެއްކުމަށް ހުޅުމާލެ ހޮސްޕިޓަލަށް ގެންގޮސްފައިވާ ކަަމަށް ވެސް ފުލުހުން ބުނެ އެވެ.

މައުލޫމާތު ލިބިފައިވާ ގޮތުގައި ކާރުން ޖެހިގެން އަނިޔާވެފައިވަނީ ދިވެހި އަންހެނަކަށެވެ.

މި އެކްސިޑެންޓުގެ މައްސަލަ ފުލުހުން އަންނަނީ ތަހުގީގު ކުރަމުންނެވެ.

ކަފިހި ހުރަސް މަތިން ދުއްވާ އެއްޗެހި ހިނގާ މީހުންނަށް ނުބަލައި ދުއްވުމުގެ ސަބަބުން ހިނގާ ހިތާމަވެރި ހާދިސާތަކުގައި ދުނިޔެ އުމުރަށް ނުކުޅެދޭ ހާލު ޖެހިފައި މީހުން އެބަތިއްބެވެ.

އެހެންނަމަވެސް ރާއްޖޭގައި، ހާއްސަކޮށް މާލެ ސަރަހައްދުގައި މަގު ހުރަސް ކުރާ މީހުންނަށް ޖާގަ ނުދޭކަމުގެ ޝަކުވާއަށް ނިމުމެއް ނާދެ އެވެ.

އެކްސިޑެންޓް