ތެހެރާން: އީރާނުގެ ކުރީގެ ރައީސް، ރައީސީގެ ޒަޢާމަތުގައި އީރާނުގެ އިގްތިޞާދު ކުރިއެރުވުމަށް ހާއްޞަ ސަމާލުކަމެއް ދެއްވި ކަމަށް، އެގައުމުގެ ވަގުތީ މުހައްމަދު މުޚްރިބު ވިދާޅުވެއްޖެއެވެ. އެމަނިކުފާނު މިހެން ވިދާޅުވީ އެގައުމުގެ 12 ވަނަ ރައްޔިތުންގެ މަޖިލިސް  ހުޅުވުމުގެ ރަސްމިއްޔާތުގައި ތަގުރީރު ކުރައްވަމުންނެވެ. މިއީ، މިދިޔަ ހަފުތާގައި ހެލިކޮޕްޓަރު ވެއްޓުނު ހާދިސާ ފަހު އާއްމުންނާ މުހާތަބުކޮށް އެމަނިކުފާނު ދެއްވި ފުރަތަމަ ތަގުރީރެވެ. ހެލިކޮޕްޓަރު ވެއްޓުނު ހާދިސާގައި އެގައުމުގެ ރައީސާއި އިތުރު 7 އޮފިޝަލުން ވަނީ އަވަހާރަވެފައެވެ.

އެމަނިކުފާނު ތަގުރީރު ކުރައްވާފައިވަނީ ހެލިކޮޕްޓަރު ވެއްޓުނު ހާދިސާގައި އެގައުމުގެ ރައީސް  އަވަހާރަވުމާ ގުޅިންގެ އޭނާގެ ބަދަލުގައި އާ ރައީސެއް ހޮވުމަށް، ރިޔާސީ އިންތިޚާބަކަށް އީރާނުން ތައްޔާރުވަމުންދާ ދަނޑިވަޅެއްގައެވެ. މީގެ އިތުރުން އީރާނުގައި އަލަށް އިންތިހާބު ކުރި އެގައުމުގެ 12 ވަނަ ރައްޔިތުންގެ މަޖިލީހުގެ ރައީސް ވެސް ހޮވަން ހަމަޖެހިފައިވާ ވަގުތެއްގައެވެ.  

މުޚްބިރްގެ ވާހަކަފުޅުގައި ރައީސީގެ ވެރިކަމުގައި ހޭދަކުރެއްވި ދުވަސްތަކަށް ތައުރީފު ކުރައްވިއެވެ. އީރާނުން ތެޔޮ އުފައްދާ މިންވަރު ދުވާލެއްގެ މައްޗަށް 3.6 މިލިއަން ފީފާއަށްވުރެ މައްޗަށް އެމަނިކުފާނު ގެންދެވިކަން ފާހަގަކުރެއްވިއެވެ. އެއީ ހުޅަނގުގެ ދަތިކުރުމުގެ ފިޔަވަޅުތައް އީރާނަށް އަމާޒުކޮށް އަޅާފައިވީ ނަމަވެސް އީރާނުން މިހާރު ދުވާލަކު ގާތްގަނޑަކަށް ދެ މިލިއަން ފީފާ ތެޔޮ އެކްސްޕޯޓް ކުރަމުން ދާ ކަމަށް އެމަނިކުފާނު ވިދާޅުވިއެވެ.

ފާއިތުވި މަސްތަކުގައި އީރާނުން، އިރާގާއި އިސްރާއީލާއި ޕާކިސްތާނަށް އަސްކަރީ ފިޔަވަޅުތަކެއް އެޅިއިރު ވެސް، ރައީސީގެ ވެރިކަމުގައި އެގައުމުގެ އިގްތިސާދު ހަމައަކަށް އެޅިފައިވާ ކަމަށް މުޚްބިރު ވިދާޅުވި އެވެ.

"ތިން ގައުމަކުން އަޅުގަނޑުމެންނާ ދެކޮޅުވެރިވި. އަޅުގަނޑުމެންނާ އިޒްރޭލާ ދެކޮޅުވެރިވި. އަޅުގަނޑުމެންނަށް ދަތިކުރުމުގެ ފިޔަވަޅު އެޅި. އެހެން ނަމަވެސް، ހެނދުނު ހޭލާއިރު ހިސާބުތަކާއި އިންޑެކްސްތައް އެއްގޮތް، ފައިސާގެ އަގު އެއްވަރެއްގައި، އިންފްލޭޝަން އެއްވަރެއްގައި، ލިކުއިޑިޓީ އެއްވަރެއްގައި، މާކެޓް ވެސް އޮތީ ރައްޔިތުން  ބޭނުންވާ މުދަލުން ފުރިފައި،" މުޙްރިބު ވިދާޅުވިއެވެ. "މި އިންތިޒާމުތަކާއި، މި ބާރަކީ އާދައިގެ ކަމެއް ނޫން، އެ ހުރިހާ ކަމެއް ވެސް ވެގެން ދިޔައީ އެންމެ މަތީ ވެރިޔާގެ އިރުޝާދާއެކު، އިބްރާހީމް ރައީސީގެ އިޚްލާޞްތެރި މަސައްކަތުގެ ސަބަބުން."

ރައިސީގެ ބަދަލުގައި، ރައީސަކު އިންތިހާބު ކުރުމަށް ބާއްވާ، ރިޔާސީ އިންތިހާބު އޮންނާނީ އަންނަ ޖޫން މަހުގެ 28 ވަނަ ދުވަހު އެވެ.