ރައީސްގެ މި އަހަރުގެ ފުރަތަމަ ދަތުރުފުޅު ގުޅިއަށް

ރައީސް މުއިއްޒު ގުޅިއަށް ވަޑައިގަތުމުން ތުއްތު ކުއްޖަކު މަރުހަބާ ކިޔަނީ --

ރައީސް ޑރ. މުޙައްމަދު މުއިއްޒު، ރަސްމީ ދަތުރުފުޅެއްގައި ކ. ގުޅިއަށް ވަޑައިގަންނަވައިފި އެވެ.

ރައީސް އޮފީހުން ބުނީ ރައީސްގެ މި ދަތުރުފުޅަކީ، މިދިޔަ އަހަރު އަތޮޅުތަކާ ރަށްތަކާ ސިޓީތަކުގެ ލޯކަލް ކައުންސިލުތަކާ ބައްދަލުކުރެއްވުމަށް ރައީސް ފައްޓަވައިގެން ކުރިއަށް ގެންދަވާ ސިލްސިލާ ދަތުރުފުޅުތަކުގެ ތެރެއިން މިއަހަރު ކުރައްވާ ފުރަތަމަ ދަތުރުފުޅު ކަމަށެވެ.

މި ދަތުރުފުޅުތަކުގައި ރަށްރަށުގެ ރައްޔިތުންގެ ހާލުއަހުވާލު ބައްލަވައި، ރައްޔިތުން އެންމެ އެދޭ ކަންކަން އޮޅުންފިލުއްވައި، ތަރައްގީގެ މަޝްރޫއުތައް ތަރުތީބު ކުރާނޭ ގޮތާއިމެދު ރައީސް މަޝްވަރާކުރައްވާނެ ކަމަށް ރައީސް އޮފީހުން ބުންޏެވެ.

މި މަޝްވަރާތަކުގައި ގުޅީ ކައުންސިލާއި އަންހެނުންގެ ތަރައްގީއަށް މަސައްކަތްކުރާ ކޮމިޓީއާއި ރަށުގެ ރައްޔިތުންނާ ބައްދަލު ކުރައްވާނެ އެވެ.

މި ދަތުރުފުޅުގައި އެމަނިކުފާނުގެ އަރިހުގައި ވަޒީރުންނާއި ސަރުކާރުގެ ބައެއް އިސްވެރިން ބައިވެރިވެވަޑައިގަންނަވަ އެވެ.

ރައީސް ޑރ މުޢިއްޒު