އެކި ބުރޭންޑުގެ 43 ފުޅި ބަނގުރަލާއެކު ދިވެއްސަކު އަތުލައިގެންފި

43 ފުޅި ބަނގުރަލާއެކު ހައްޔަރު ކުރި އަލީ ހާޒިމް --

ތަފާތު އެކި ބުރޭޑުތައް ހިމެނޭހެން ބަނގުރާ ފުޅިތަކަކާ އެކު ދިވެއްސަކު ހައްޔަރުކޮށްފި އެވެ.

ފުލުހުން ބުނީ އެމީހާ ހައްޔަރު ކުރީ ގަވައިދާ ހިލާފަށް ބަނގުރާ ގެންގުޅެ، އެ ތަކެތީގެ ވިޔަފާރިކޮށް އެތަކެތި ބޭނުން ކުރާ ކަމަށް ފުލުހުންގެ ޑުރަގު ނާކޮޓިކްސް އިންޓެލިޖެންސަށް ލިބުނު މައުލޫމާތަކާ ގުޅިގެން މާލޭގައި ފުލުހުން ރޭ ހިންގި އޮޕަރޭޝަނެއްގައި ކަމަށެވެ.

މި އޮޕަރޭޝަނުގައި ހައްޔަރުކޮށްފައި ވަނީ ރ. މަޑުއްވަރި، އުފުލަންދޫގެ، އަލީ ހާޒިމް، 22، އެވެ.

"މި އޮޕަރޭޝަނުގައި އޭނާ ދުއްވި ކާރު ހުއްޓުވައި ބަލައި ފާސްކުރި އިރު، އެކި ބްރޭންޑްތައް ހިމެނޭހެން ޖުމްލަ 43 ފުޅި ބަނގުރާ ފެނިފައިވޭ،" ފުލުހުން ބުންޏެވެ.

މި މައްސަލައާ ގުޅިގެން އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން 10 ދުވަހުގެ ބަންދުގެ މުއްދަތު ދީފައި ކަމަށް ފުލުހުން ބުންޏެވެ.

ބަނގުރާ ވިއްކާ ކަމުގެ ތުހުމަތަށް އަލީ ހާޒިމް ހައްޔަރުކޮށް އެ މައްސަލަ ފުލުހުން އަންނަނީ ތަހުގީގު ކުރަމުންނެވެ.

ފުލުހުން