ވެލެންސިއާ ބަލިކޮށް ރެއާލް މެޑްރިޑް ލަލީގާގެ އެއްވަނަ އަށް

ޖޫޑް ބެލިންހަމް ލަނޑުޖެހުމަށްފަހު އުފާ ފާޅުކުރަނީ

ސްޕެއިންގެ ލަލީގާގައި ރޭ ވެލެންސިއާ އާއި ދެކޮޅަށް ކުޅުނު މެޗުން 2-1 ގެ ނަތީޖާއަކުން މޮޅުވެ، ރެއާލް މެޑްރިޑް ތާވަލުގެ އެއްވަނަ މަގާމް ހޯދައިފިއެވެ.

މި ނަތީޖާއާއި އެކު ރެއާލް މެޑްރިޑަށް ވަނީ ލީގުގައި މިހާތަނަށް ކުޅުނު 19 މެޗުން 43 ޕޮއިންޓް ލިބިފައެވެ.

ވެލެންސިއާގެ މަސްޓެއްލާ ސްޓޭޑިއަމްގައި ކުޅުނު މި މެޗުގައި ފުރަތަމަ ލަނޑު ޖެހީ ވެލެންސިއާގެ ހޫގޯ ޑޫރޯ އެވެ. ނަމަވެސް މެޗުގެ 85 ވަނަ މިނިޓުގައި ލޫކާ މޮޑްރިޗް ވަނީ ރެއާލް މެޑްރިޑަށް އެއްވަރުކޮށްދީފައެވެ. އަދި މެޗުގެ އިތުރު ވަގުތުގައި ޖޫޑް ބެލިންހަމް ވަނީ ރެއާލް މެޑްރިޑަށް ލަނޑެއް ޖަހައިދީ މެޗުން މޮޅުކޮށްދީފައެވެ.

މި މެޗުގައި ރެއާލް މެޑްރިޑްގެ ވިނިޝިއަސް ޖޫނިއާ އަށް ރަތް ކާޑު ދައްކައި ދަނޑުން ފޮނުވާލާފައިވާއިރު، ޖޫޑް ބެލިންހަމް ފޮނުވާލި ޕެނަލްޓީ ވަނީ ގޯލުގެ ދަނޑިއަށް އަމާޒުވެފައެވެ.

ރޭގެ މި މެޗަކީ އަސްލު ނޮވެމްބަރު 2 ވަނަ ދުވަހު ކުޅެން އޮތް މެޗެއް ނަމަވެސް، ސްޕެއިންގައި އެ ދުވަސްވަރު ބޯކޮށް ވާރޭވެހުމުގެ ސަބަބުން ވަނީ ލަސްކުރެވިފައެވެ.ާ

ލަލީގާ ރިއަލް މެޑްރިޑް