އެމެރިކާގެ ގާނޫނު ހަދާ މަޖިލީހުގެ ރައީސަކަށް މައިކް ޖޯންސަން ދެވަނަ ފަހަރަށް އިންތިހާބުކޮށްފި

އެމެރިކާގެ ގާނޫނު ހަދާ މަޖިލީހުގެ އައު ރައީސް، މައިކް ޖޯންސަން -- ފޮޓޯ/ އޭއެފްޕީ

އެމެރިކާގެ ރައްޔިތުންގެ މަޖިލިސް ކަމަށްވާ ހައުސް އޮފް ރެޕްރެޒެންޓެޓިވްސްގެ ރައީސްކަމަށް ރިޕަބްލިކަން ޕާޓީގެ މައިކް ޖޯންސަން އަނެއްކާވެސް އިންތިހާބުކޮށްފިއެވެ.

މިއީ އޭނާ މި މަޤާމު އަދާކުރައްވާ ދެވަނަ ފަހަރެވެ. ރޭ ބޭއްވުނު އިންތިޚާބުގައި ޖޯންސަނަށް 218 ވޯޓު ލިބިވަޑައިގަތެވެ.

އުމުރުފުޅުން 51 އަހަރުގެ މައިކް ޖޯންސަނަކީ ލުއިޒިއާނާ ސްޓޭޓުން ކޮންގްރެސްއަށް އިންތިޚާބުވެފައިވާ ވަކީލެކެވެ. އޭނާ ކޮންގްރެސްއަށް ފުރަތަމަ އިންތިޚާބުވީ 2016 ވަނަ އަހަރުއެވެ. ޖޯންސަން ފުރަތަމަ ސްޕީކަރުކަމަށް އިންތިޚާބުވެވަޑައިގަތީ 2023 ވަނަ އަހަރުގެ އޮކްޓޯބަރު މަހުގައެވެ. އެއީ ކެވިން މެކާތީ ސްޕީކަރުކަމުން ވަކިކުރެވުމަށްފަހުއެވެ.

ހައުސް އޮފް ރެޕްރެޒެންޓެޓިވްސްގެ ސްޕީކަރުކަމަކީ އެމެރިކާގެ ސަރުކާރުގެ ދަރަޖައިގެ ގޮތުން ރައީސް އަދި ނައިބު ރައީސްގެ ފަހުން ދެން އަންނަ މަޤާމެވެ. މި މަޤާމަށް އަނެއްކާވެސް އިންތިޚާބުވުމާ ގުޅިގެން ޖޯންސަން ވިދާޅުވީ މިއީ އޭނާއަށް ލިބުނު ވަރަށް ބޮޑު ޝަރަފެއް ކަމަށެވެ. އަދި އެމެރިކާގެ ރައްޔިތުންނަށް ޚިދުމަތްކުރުމަށް ޓަކައި ރިޕަބްލިކަން ޕާޓީއާއި ޑިމޮކްރެޓިކް ޕާޓީގެ މެންބަރުންނާއެކު މަސައްކަތްކުރުމަށް ތައްޔާރަށް ހުރި ކަމަށް ވެސް އޭނާ ވިދާޅުވިއެވެ.

ޖޯންސަން ވަނީ 2021 ވަނަ އަހަރު ޓްރަމްޕް ރިޔާސީ އިންތިޚާބުން ބަލިވުމާ ގުޅިގެން އެ ނަތީޖާއާ ދެކޮޅަށް ކޯޓުގައި މައްސަލަ އުފުލުމަށް އެހީތެރިވެފައެވެ.

އެމެރިކާ